Buzuk ka Abud’a 7:19 - Bible azumeina

¹⁹ Ma didina mi de mi Moise kua ala: Ang de mi Aron ala: Ang hle totogo manga, ang hlabong akulo yam mbiyo ma Ezipte-na, yam toliyon mazid’a, yam apo alum ma Nil-lâ, yam apo mazid’a, yam golongeî mazina pet mi. Azi mba mbut buzuna. Buzuna mba mi oî kur ambas sa Ezipte-d’a pet, kur ahle mazi suma tche mbina suma aguna d’oze suma ahinad’a mi.

Buzuk ka Abud’a 7:19 Referans Kwoze

Buzuk ka Abud’a 14:21

Ata yi máma Moise mi hlabom akulo yam alum ma ngolâ. Ma didina mi keng mbina woi ki simet ma ad’eng ma abo ma yorogo ma sir kur andjege ndatina; mi so alum ma ngolâ woyo, mi wal mbina woi aduk mbà.

Buzuk ka Abud’a 14:26

Ma didina mi de mi Moise ala: Ang hlabong akulo yam alum ma ngolâ. Mbina mba mi hulongî kusa kä yam Ezipte-na, yam pus mazi ma dur ayîna, yam mazi suma djang akulumeina mi.

Buzuk ka Abud’a 10:21

Ma didina mi de mi Moise ala: Ang hlabong akulo hur alona, nduvunda mba d’i mba yam ambasa. Ni nduvun nda sana mi ndak á dot kabomba.

Buzuk ka Abud’a 10:12

Ma didina mi de mi Moise ala: Ang hlabong akulo yam ambas sa Ezipte-d’a tala ar djera ti mba kad’u, ti b’lak asuna pet kahle suma a ar abo mogoinina woi ped’u d’a.

Buzuk ka Abud’a 8:16

Ma didina mi de mi Moise ala: Ang tchol akulo ki yorogo tcholola, ang i ngaf Faron ata yima mi nde á i avun alumina, ang dum ala: Ma didina mi dala: Ang aran sum mana a i á kud’uronu.

Buzuk ka Abud’a 9:33

Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.

Ad’u Tinda 1:10

Alona mi yi yima sod’a ala Andagad’a; mi yi mbiyo ma mi tok ata yima tuna ala Alum ma nglona. Alona mi wala ni djivid’a iramu.

Buzuk ka Abud’a 4:9

Le a he nga gagazid’a kang nguo, le a hum nga zla manga yam ahle suma simat suma mbà ndazina d’uo mi ni, ang gul mbiyo ma kur alumina, ang vom kä yam andagad’a; mbiyo ma ang gulumî kur aluma máma mba mi mbut buzuna.

Buzuk ka Abud’a 14:16

Wani ang hle totogo manga, ang hlabong akulo yam alum ma ngolâ, ang walam mbei aduk mbà. Israel-lâ a mba kal kur alum ma ngolâ kasezi sod’a tchitching.

2 Amuleina 4:29

Elise mi de mi Gehazi ala: Ang min tangû, ang hle totogo man nda djok vuna, ang i Sunem. Le ang ngaf sa glovod’o ni, ang tchol á gum depa d’i; le sa mi min á gang depa ni, ang humum mbuo mi. Ang i d’igal totogo manda avok gorâ.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Habakuk 3:8

Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Isai 19:10

Suma a le sunda á ndjun ambasina huruzi mba mi b’laga, suma a le sun nda beged’ina pet a mba mbut hohoud’a mi.