Buzuk ka Abud’a 4:1 - Bible azumeina

¹ Moise mi hulong de mi Ma didina ala: A mba he gagazid’a kan ndi, a mba hum zla manda d’uo mi. A mba dan ala: Ma didina mi nde nga tam mbei irang ngi!

Buzuk ka Abud’a 4:1 Referans Kwoze

Buzuk ka Abud’a 3:18

Azi mba humungû. Ang dazi kua ala: Mi dan kua ala: Ang ki nglo suma Israel-lâ, agi igi gen amul ma Ezipte-na, agi dum ala: Ma didina, Alona hi Hebre-na, mi nde tam mbei iramiya. Ki tchetchemba, ang arami lovota ami i tid’imi burâ hindi abagei hur fulâ á hahle suma ngat buzuna mi Ma didina Alo mamina.

Sunda hi suma a sunuzinid’a 7:25

Mi djib’er kurum ala b’oziyom Israel-lâ a wala nata mam ba, Alona mba mi hum lovota á pad’azi woi kur magomba. Wani azi we nga hina d’i.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Jeremi 1:6

An hulong dum ala: Salad’a, Ma didina, an ni gogorâ tua, an ndak nga á de zlad’a aduk suma d’i.

Buzuk ka Abud’a 6:30

Wani Moise mi de mi Ma didina avunam ala: Gola! An ni sama nga ni de zlad’a woi yed’et tuo na. Ni nana ba, Faron mba mi humun nge?

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Buzuk ka Abud’a 2:14

Sa máma mi hulong dum ala: Ni nge mi tining amula ki ma ka sariyad’a kami ge? Ang hal á tchan d’igi ang tchi ma Ezipte-na kama na zu? Moise mi le mandarâ, mi dala: Gagazi, zla ndata suma humut wa da’.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Buzuk ka Abud’a 4:10

Moise mi de mi Ma didina ala: Salad’a, an ndak ki! An ni sama nga ni de zlad’a atogo tchatchap puo na. Ad’u tinda ni kama d’oze ni kama hid’a d’oze nadjï dei d’a ang nga dan an azong mangâ zlad’id’a d’uo mi. Kayam vunan ki sinan a aneka á de zlad’a nadjeu dei.

Buzuk ka Abud’a 4:30

Aron mi vazi ad’u zla d’a Ma didina mi dat mi Moise-sa pet, mi lahle suma ndandalâ kä avorozi mi.

Buzuk ka Abud’a 6:12

Moise mi hulong de mi Ma didina avunam ala: Le suma Israel-lâ a humun nga d’uo ni, ni nana ba, Faron mba mi humun an ma nga ni de zlad’a woi yed’et tuo na ge?

1 Amuleina 13:3

Kur bur máma tamba, sana hAlona máma mi hazi vama taka, mi dala: Wana ni vama tak ma Ma didina mi de kama: Yima ngal ahle suma ngat buzu máma mba mi to kä woyo, but ma akulo kama mba mi dris kä woi mi.

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.