Buzuk ka Abud’a 33:1 - Bible azumeina

¹ Ma didina mi de mi Moise kua ala: Ang tchola, ang ki suma ang buzuguzï woi kur ambas sa Ezipte-d’a á i yam ambas sa an hle vunan kat mi Abraham azi ki Isak ki Jakob ki gun tad’a ala an mba ni hat mandjavaziya d’a.

Buzuk ka Abud’a 33:1 Referans Kwoze

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Buzuk ka Abud’a 32:7

Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa.

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Buzuk ka Abud’a 17:3

Sum ndazina vun ma sod’a mi kal ataziya, a nga gureî yam Moise, a dum ala: Ni kayam me ba, ang buzugumï woi kur Ezipte á tchami woi ki vun ma sod’a ki gromina ki d’uwar mamina mi ge?

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Sunda hi suma a sunuzinid’a 7:36

Ni Moise ba, mi buzuk Israel-lâ woi yam ambas sa Ezipte-d’a, mi lahle suma ndandalâ kahle suma simata kur andaga d’a Ezipte-d’a, kur alum ma ngol ma Tchereuna, kur fulâ bizad’a dok fid’i mi.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

Ad’u Tinda 28:10

Jakob mi tchol avo Berseba á i Haran.

Sunda hi suma hi Levi-nid’a 20:24

An dagi ala: Ni agi ba, mba hlagi ambas mazid’a; an mba ni hagiziya. Nambas sa ambira ki mbul ayuma a nga sor kä kuad’a. An ni Ma didina Alo magi ma walagi woi kandjaf suma dingîna.

Ndumba 11:12

Na ni sum ndazina pet an vazi wirizi ni an ndju? An vud’uzi ni anu ba ang ala an zizi didigan d’igi atcha d’a wul gorâ nga d’i zim adigat na gak ni izi yam ambas sa ang tang hat mabuyozi á haziziya d’a ge?

Gat ta a hat á mbàd’id’a 1:8

Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.