Buzuk ka Abud’a 32:8 - Bible azumeina

⁸ A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 32:8 Referans Kwoze

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Gat ta a hat á mbàd’id’a 9:16

An gol wani, agi lagi wa tchod’a avok Ma didina Alo magina, agi yorogiya wa gor amuhlâ, agi d’ezegi woi atogo hina zak kur lovot ta Ma didina mi tagagizid’a.

Suma ka sariyad’a 2:17

Hina pet pî, azi nga hum vun mazi suma a nga avorozina d’i. Kayam azi mbut tazi gaulangâ kalo ma dingâ teteng, a nga grif kä avoromu, a d’es sei atogo zak kur lovot ta abuyozi ngolo suma a ge yazi kä ad’u vun ma hed’a hi Ma didinina a tit kura, a le ni sun nda dinga vaziya.

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 34:15

Ar agi djinigi vunagi ki suma kur ambas ndatina á mbud’ugi tagi ndjendjed’a kalo mazina d’oze á hum ahle suma ngat buzuna d’oze á yagi á tahle suma azi ngad’azi mi filei mazinina d’uo mi.

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Gat ta a hat á mbàd’id’a 9:12

Ata yi máma Ma didina mi dan ala: Ang tchuk aseng kä atogo, kayam suma ang buzuguzï woi avo Ezipte-na a b’lak wa taziya. Ki tchetchemba, a d’es wa woi yam lovot ta an tagazizid’a, a yor wa angus vana á kud’uromu.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

Sawal la giled’a 78:36

Wani azi nga lobom ki zla mazi d’a ded’a, azi nga kam zlad’a mi.

Josue 22:15

Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala:

Suma ka sariyad’a 8:24

Zedeyon mi dazi kua ala: An nga ni tchenegi va tu. Ar nge nge pî adigagi mi han ngangam ma mi hurumumina tutu. Kayam suma djangûna a nga ki ngangam ma lora, kayam azi ni suma hi Ismael-lâ.

Nehemi 9:18

Ata yima a yor kaweina gor amuhlîna, a dala: Wana nalo mei ma buzugi woi avo Ezipte-na, a ngulung ngola heî.

Sawal la giled’a 106:19

Ad’u ahina d’a Horep-pa a yor gor amuhlâ, a grif kä avok kawei ma a yorom máma.

Isai 46:6

Gola! A nga tchuk lora kä woi kur bud’omei mazina, a nga nga kawei ma hapma ki kilona, a nga wurak sama le sunda, kayam mi yorozi alo ma azi grif kä avorom ma azi kud’uroma.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.