Buzuk ka Abud’a 32:7 - Bible azumeina

⁷ Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa.

Buzuk ka Abud’a 32:7 Referans Kwoze

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Gat ta a hat á mbàd’id’a 9:12

Ata yi máma Ma didina mi dan ala: Ang tchuk aseng kä atogo, kayam suma ang buzuguzï woi avo Ezipte-na a b’lak wa taziya. Ki tchetchemba, a d’es wa woi yam lovot ta an tagazizid’a, a yor wa angus vana á kud’uromu.

Suma ka sariyad’a 2:19

Wani kid’a ma avorozina mita, azi hulong a le tcho d’a ding nga kala habuyozi ngolod’a, a zlap kalo ma dingâ teteng, a kud’uromu, a grif kä avorom mi. A ar nga sun mazi d’a tcho ndata d’oze hur mazi ma b’ala ki so vun mazina woi d’i.

Buzuk ka Abud’a 19:24

Ma didina mi de mi Moise ala: Ang tchuk aseng kä, ang hulong djagï ki Aron, wani ar suma ngat buzuna kablaud’a a b’at tazi atogo á djagï geven an Ma didina tala suma a bo woi adigazi d’uo d’a.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Gat ta a hat á mbàd’id’a 32:5

Agi suma tcho suma bei wad’ud’a, agi tchilagi yam zlad’a hi Ma didinid’a, agi mbud’ugi ni tagi zulona, agi nga ni groma d’uo d’a!

Gat ta a hat á mbàd’id’a 4:16

tala agi mbud’ugi tagi ndjendjed’a á tched’egi fileina d’oze angus vama hle tam d’igi alona na na, d’oze d’igi mandjufâ d’oze atchad’a

Buzuk ka Abud’a 33:1

Ma didina mi de mi Moise kua ala: Ang tchola, ang ki suma ang buzuguzï woi kur ambas sa Ezipte-d’a á i yam ambas sa an hle vunan kat mi Abraham azi ki Isak ki Jakob ki gun tad’a ala an mba ni hat mandjavaziya d’a.

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Gat ta a hat á mbàd’id’a 9:8

Käd’u ahina d’a Horep-pa agi zalagi hur Ma didina. Ma didina hurum zal kagi gak mi min dabagi woyo.

Sawal la giled’a 78:36

Wani azi nga lobom ki zla mazi d’a ded’a, azi nga kam zlad’a mi.

Gat ta a hat á mbàd’id’a 31:29

An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.

2 Sunda Hamuleinid’a 27:2

Mi le sun nda d’ingêra avok Ma didina pepet d’igi abum Oziyas na. Wani nga mi kal kur gong nga kud’ora hi Ma didinid’a d’i. Hina pet pî, suma a d’op nga lovot mazid’a avok Ma didina d’i.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.