Buzuk ka Abud’a 30:9 - Bible azumeina

⁹ Agi hagi dubang ma his djivi ma dingâ á ngala yam yi máma d’oze vama ngat buzu ma ngala d’oze he d’a hawa d’a afuta d’i. Ar agi vogi süm guguzlud’a kam mbuo mi.

Buzuk ka Abud’a 30:9 Referans Kwoze

Sunda hi suma hi Levi-nid’a 10:1

Nadap azi ki Abihu, Aron groma, nge nge pî mi hleï va mam ma yo akud’a, mi yo akud’a kua, mi tchuk dubang ma his djivid’ina kua, a mbam avok Ma didina. Naku d’a ding nga Alona mi hazi nga vuna kat tuo d’a.

Buzuk ka Abud’a 30:8

Fladege d’a lara pî, Aron mba mi ngal dubang ma his djivid’ina ata yima mam do lalamba akud’ina. Ni hina ba, mba mi ngalan dubang ma his djivid’ina kur atchogoi d’a lara ge pet.

Buzuk ka Abud’a 30:10

Aron mba mi yam buzuna hi vama a ngad’am á zlup yam tchod’ina ata keng yima ngal dubang ma his djivid’ina yam tu kur bizad’a. Agi lagi hina á zlup yam tchod’a kur biza d’a lara ge pet kur atchogoi magid’a pet mi. Yima ngal dubang ma his djivid’a máma mba mi arî yima yed’et ma a tinim iram vam yam an Ma didinina.