Buzuk ka Abud’a 3:15 - Bible azumeina

¹⁵ Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Buzuk ka Abud’a 3:15 Referans Kwoze

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Wana ni mbaktumba hi Oze-d’a 12:5

Jakob mi ndjiget ki malaikana, mi kus kamu, mi tchenem ala mi b’e vunam kamu. Jakob mi fum sä Betel. Ni kua ba, Alona mi de zlad’a ki sed’emu.

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Sawal la giled’a 102:12

Burun nga mi pret d’igi angusâ mi pret na; an ni mbut ni d’igi asu ma so woina na.

Sawal la giled’a 135:13

Ma didina, simiyêng mi nga gak didin; Ma didina, suma a nga djib’er kangî kur atchogoi d’a lara ge pet.

Sunda hi suma a sunuzinid’a 7:32

An nAlona habuyong ngolona, an nAlona hi Abraham-ma, Alona hi Isa’â, Alona hi Jakob-ma mi. Moise mi nde zlaka abo mandarâ, mi ndak á gol iram abo máma d’i.

Gat ta a hat á mbàd’id’a 1:11

Ar Ma didina Alona habuyogi ngolona, mi zulugi avogovok kam kua dudubu, mi b’e vunam kagi d’igi mi hlagi vunam na.

Buzuk ka Abud’a 4:5

Ma didina mi dum kua ala: Ang i le hina, wani azi mba he gagazid’a kang ala an Ma didina Alona habuyozi ngolona, Alona hi Abraham-ma, Alona hi Isa’â, Alona hi Jakob-ma, ni nde tan ndei irangû.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

Matiye 22:32

An nAlona hi Abraham-ma, Alona hi Isa’â, Alona hi Jakob-ma mi d’a d’uo zu? Alona nAlona hi suma arinina, nga nAlona hi suma matnina d’i.

Gat ta a hat á mbàd’id’a 4:1

Moise mi dazi kua ala: Agi Israel-lâ, agi humugiya! Agi tid’igi yam gata ki vun ma he ma an nga ni hagizina, kayam agi kagagi karid’a, agi kalagi kur ambas sa Ma didina Alona habuyogi ngolona mi hagizid’a mi.

Gat ta a hat á mbàd’id’a 1:35

Agi suma tcho suma kur atchogoi d’a wandina sa tu pî mba mi kal kur azì ma djivi ma an gun tan á hum mabuyozi ngolona d’i.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Ad’u Tinda 24:12

Mi de mAlona ala: Ma didina, Alona hi salana Abraham-ma, an nga ni tchenengû, ang lan djivid’a ini, ang tak djivi manga woi mi salana Abraham.

Buzuk ka Abud’a 3:13

Moise mi de mAlona ala: An nga ni i ata Israel-lâ, an mba ni dazi ala: Alona habuyogina mi sununï atagiya. Wani le azi djobon ala: Simiyêm nana ge ni, an dazi nana ge?

Buzuk ka Abud’a 4:1

Moise mi hulong de mi Ma didina ala: A mba he gagazid’a kan ndi, a mba hum zla manda d’uo mi. A mba dan ala: Ma didina mi nde nga tam mbei irang ngi!

Buzuk ka Abud’a 6:2

Alona mi de mi Moise kua ala: An ni Ma didina.

Buzuk ka Abud’a 15:2

Ma didina nad’eng manda; ni mam ba, an ni gilemu. Ni ma sud’una; NAlo mana, an mba ni suburumu. Mam mi Alona habuna, an mba ni hum ngola.

Buzuk ka Abud’a 15:3

Ma didina ni ma gangrang ma dur ayîna, simiyêm Ma didina mi ndaga.

Sunda hi suma hi Levi-nid’a 24:11

Ma abumî ma Ezipte-nina mi las simiyê Alona, mi ngulum mi. A mbamî mi Moise. Asum a yat ala Selomit ni Dibri ma ad’u andjafâ hi Dan-nina goromba.

Sawal la giled’a 30:4

Ma didina, ang ndan ndei ata yima azuleina, ang ngomon karid’a; an nde nga kä kur zula d’i.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Jeremi 33:2

An Ma didin ma landagad’a ni minit ni tinit ma a yan ala Ma didina na, an nga ni dangû:

Daniel 2:23

Ang Alona habuyon ngolona, an nga ni hang ngola, an nga ni gileng yam ned’a kad’enga suma ang handjina, kayam ang tagan ad’u vama ami djobong kama, ang ndami ad’u zla d’a gumunda hamulîd’a woi mi.

1 Sunda Hamuleinid’a 16:16

Mi nga mi djib’er yam vun ma djin ma mam djinim ki Abraham-ma, ki gun nda mam gun tam mi Isak-ka mi.

1 Sunda Hamuleinid’a 29:18

Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Sawal la giled’a 68:5

Agi hlagi sawala mAlona, agi gilem simiyêmu, agi minigi lovota mi ma nga kaka yam d’ugulina; simiyêm ala Ma didina, agi lagi furîd’a avoromu.

Sawal la giled’a 102:13

Wani Ma didina, ang namul ma nga kaka gak didina, ang nAlo ma nga kur atchogoi d’a lara ge petna.

Wana ni mbaktumba hi Oze-d’a 12:6

Ma didina Alo ma ad’engêm pet ma simiyêm ala Ma didina na,