Buzuk ka Abud’a 28:1 - Bible azumeina

¹ Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Buzuk ka Abud’a 28:1 Referans Kwoze

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

1 Sunda Hamuleinid’a 6:10

Johanan mi vut Azariya, ni ma mi le sun nda ngat buzuna kur gong nga kud’or ra Salomon mi minit avo Jerusalem-mbina,

Gat ta a hat á mbàd’id’a 10:6

(Israel-lâ a tchol Bërot-Bene-Jakan á i Mosera. Ni kua ba, Aron mi mid’a, a tozomî kua kolâ mi. Goroma Elazar mi vrak blangâm kur sun nda ngat buzuna.

Ndumba 26:61

Wani Nadap azi ki Abihu a bo woi ata yima a mba kaku d’a dinga avok Ma didinina.

Ndumba 2:4

Mam suma dur ayîna a ni 74.600.

Sunda hi suma hi Levi-nid’a 10:12

Moise mi de mi Aron azi ki grom suma a arâ Elazar azi ki Itamar ala: Agi yogi he d’a hawa d’a ngal la avok Ma didinid’a ad’ut ta ara, agi tagizi bei angufa go ki yima ngal ahle suma ngat buzuna, kayam ni vama a tinim iram vam ma kal teglesâ.

Sunda hi suma hi Levi-nid’a 10:1

Nadap azi ki Abihu, Aron groma, nge nge pî mi hleï va mam ma yo akud’a, mi yo akud’a kua, mi tchuk dubang ma his djivid’ina kua, a mbam avok Ma didina. Naku d’a ding nga Alona mi hazi nga vuna kat tuo d’a.

Sunda hi suma hi Levi-nid’a 8:2

Ang yi Aron azi ki groma, ang yo baruna, ang hle mbul ma a vom yam sumina, ang vamuhl ma a hum vama ngat buzu ma zlup yam tchod’ina, ang yo gamlâna mbà, ang hle gagalaga d’a avungô ma a lum bei angufina nga kura,

Buzuk ka Abud’a 35:19

ki baru d’a a tinit irat vat mi ma ngat buzuna Aron-nda ki barud’a hi groma d’a á le ki sun nda ngat buzunid’a.

Buzuk ka Abud’a 31:10

baru d’a ngad’a yam sun nda ngat buzunid’a, baru d’a a tinit irat vat yam ma ngat buzuna Aron-nda ki d’a hi gromid’a á le sun nda ngat buzuna,

Buzuk ka Abud’a 30:30

Ang vo mbulâ yam Aron azi ki groma, ang tinizi irazi vazi á lan sun nda ngat buzuna.

Buzuk ka Abud’a 29:44

An mba ni mbut zlub’u d’a ngaf tad’a ki yima ngal ahle suma ngat buzuna nahle suma an tinizi irazi vazina, an mba ni mbut Aron azi ki groma ni suma an tinizi irazi vazina mi, kayam azi lan sun nda ngat buzuna.

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Buzuk ka Abud’a 29:1

Ma didina mi de mi Moise kua ala: Wana ni vama ang mba lum á tinizi irazi vazi tala azi kak á lan sun nda ngat buzuna d’a: Ang vamuhl ma gorâ tu, ang yo gamlâ ma bei dakina mbà

Buzuk ka Abud’a 28:41

Moise, ang tchugut ata wiyengâ Aron azi ki groma, ang vozi mbulâ kaziya, ang tinizi kur sunda, ang tinizi irazi vaziya. Hina wani, azi mba lan sun nda ngat buzuna.

Buzuk ka Abud’a 24:9

Bugola, Moise azi ki Aron a djak akulo zlapa ki Nadap, Abihu ki suma nglo suma Israel suma dok kid’iziya ndazina mi.

Buzuk ka Abud’a 24:1

Ma didina mi de mi Moise ala: Ang djagï geven yam ahinad’a akulo zlapa ki Aron, Nadap, Abihu ki suma nglo suma Israel suma dok kid’iziyana mi. Agi igi sä woi hina dei, agi grivigi kä andaga.

Buzuk ka Abud’a 6:23

Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.

Wana ni Zla d’a Djivi d’a Luc mi b’irita 1:8

Kur bur máma Zakari nga mi le sun mam mba ngat buzuna avok Alona, kayam ni nguid’a hades mama á led’a

2 Sunda Hamuleinid’a 11:14

Suma hi Levi-na a ar yazi ma kaka kahle mazina woyo, a i yam andaga d’a Juda-d’a avo Jerusalem, kayam Jerobowam ki groma a d’elezi á le sun mazi d’a ngat buzuna mi Ma didina.

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.

1 Sunda Hamuleinid’a 23:13

Amram groma ba wana: Aron ki Moise. A tin Aron azi ki groma ki irazi fafat á kak suma a tinizi irazi vazina á ngal dubang ma his djivid’ina avok Ma didina, á le sun mamba, á b’e vuna yam suma ki simiyêm burâ ki burâ mi.

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Sunda hi suma hi Levi-nid’a 7:35

Wana ni b’rau d’a yam Aron azi ki groma d’a a yot aduk ahle suma a hazi vama ngat buzu ma ngala mi an Ma didina kur bur ma a mba vozi mbulâ kazi á le sun nda ngat buzuna avogona.

Sunda hi suma hi Levi-nid’a 8:1

Ma didina mi de mi Moise ala:

Gat ta a hat á mbàd’id’a 18:5

Kayam Ma didina Alo magina mi manam aduk andjafâ pet, kayam mam kandjavam a tchol avorom á lum sunda burâ ki burâ.

1 Sunda Hamuleinid’a 6:34

Elkana, Jeroham, Eliyel, Towa,

Sawal la giled’a 115:10

Agi suma hi Aron-na, agi tinigi hurugi yam Ma didina; mam mi ma ndjunugina, mam mi mbarei magid’a mi.