Buzuk ka Abud’a 24:12 - Bible azumeina

¹² Ma didina mi de mi Moise ala: Ang djagï akulo geven ka hî yam ahinad’a, ang kak kua. An mba ni hang ahina d’a bebed’e d’a tchet ta an b’ir gata ki vun ma hed’a kuad’a, kayam ang had’aziziya.

Buzuk ka Abud’a 24:12 Referans Kwoze

Gat ta a hat á mbàd’id’a 5:22

Wana ni zla d’a Ma didina mi dat mablau magid’a ki delem akulo yam ahinad’a, aduk akud’a, aduk d’ugula, aduk andos ma tin d’ugula ndusâ bei mi de zla d’a ding kat kua ba. Mi b’irit kä kur ahina d’a bebed’e d’a tcheta mbà, mi handjiya.

Buzuk ka Abud’a 31:18

Ata yima Ma didina mi dap zla d’a ded’a mi Moise yam ahina d’a Sinai-d’a guna, mi hum ahina d’a bebed’e d’a tchet ta mbà d’a mam tam Alona mi b’ir vun ma hed’a kua ki tchitchid’amba.

Hebre-na 9:4

Kur yi máma, vama a minim ki lora á ngal mbul ma his ma afufuînina ki zanduk ma Alona mi djin vunam kam ma a gulud’um ki lorina a nga kua. Dei ma lor ma manna kuruma ki totogod’a hi Aron nda d’ufa kahina d’a bebed’e d’a tchet ta mbà d’a Alona mi b’ir vun ma he mama kuad’a a nga kua mi.

2 Korente-na 3:3

Wani suma a wagi woi tetet ala agi ni mbaktum mba Christ mi b’irit ta ami djogot teid’a. Mi b’irit nga ni ki engkrana d’i, wani ni ki Muzu’â hAlo ma arina. Mi b’irit nga ni kur tablo ma ahina d’a bebed’e d’a tcheta d’i, wani ni kur suma.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

2 Korente-na 3:7

Gat ta a b’irit ni kur tablo ma ahina d’a bebed’e d’a tchetid’a, subura hAlonid’a nga d’i b’o kua gak Israel-lâ a ndak á gol ir Moise abo wile d’a iramba d’i. Wani wile ndata nga d’i kal leyo. Le gat ta sun mata i sana kur matnid’a nde ki subura na ni,

Gat ta a hat á mbàd’id’a 4:14

Ata yi máma Ma didina mi han vuna á had’agi gata ki vun ma hed’a, kayam agi tid’igi kazi kur ambas sa agi nga kalagi kur á hlat djona wanda.

Buzuk ka Abud’a 24:18

Moise mi kal kur d’ugula, mi djak akulo yam ahinad’a, mi le burâ dok fid’i falei kandjege akulo yam ahina ndata.

Buzuk ka Abud’a 24:15

Ata yima Moise nga mi djak akulo yam ahinad’ina, d’ugula kulup yam ahinad’a b’eb’et.

Buzuk ka Abud’a 24:2

Ni ang Moise tu ba, ang hud’ï geven an Ma didina. Suma dingâ a hud’ï go d’i, suma ablauna a djagï yam ahinad’a ki sed’eng nguo mi.

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Nehemi 9:13

Ang tchuk aseng kä yam ahina d’a Sinai-d’a, ang dazi zlad’a ei akulo, ang hazi gat ta d’ingêra, hat ta gagazid’a ki vun ma he ma djivi ma kal teglesâ mi.

Esdras 7:10

Kayam Esdras mi he tam á wäd’u zlad’a hAlonid’a, á tit yam gata hAlonid’a, á hat Israel-lâ yam gata hAlonid’a ki vun ma he ma tetengâ mi.

Buzuk ka Abud’a 34:1

Ma didina mi de mi Moise ala: Ang tchet ahina d’a bebed’e d’a dinga mbà d’igi d’a avoka na. An mba ni b’ir zla d’a an dangzi avok kur ra ang tot teid’a kua.

Gat ta a hat á mbàd’id’a 5:31

Wani ang ar ka hî ki sed’enu. An mba ni dang zlad’a yam vun ma hed’a ki gat ta teteng nga ang mba had’azizid’a, tala azi le sunda azi tit kazi kur ambas sa an nga ni hazizid’a d’a.

1 Amuleina 19:11

Ata yi máma Ma didina mi dum ala: Ang nde woyo, ang tchol akulo yam ahinad’a avoronu. An nga ni kala. Ata yi máma na wat, simat ma ngolâ mi mba sira bibik, ahinad’a wak kei sisirak avok Ma didina, wani Ma didina tamba nga aduk simet máma d’i. Bugol simetna, andagad’a yir gigidji, wani Ma didina mi nga aduk yir ndata d’uo mi.

Buzuk ka Abud’a 19:3

Moise mi djak á i gen Alona. Ma didina mi yumï akulo yam ahinad’a, mi dum ala: Wana ni vama ang i dum mi Israel-lîna, nala andjafâ hi Jakob-ma:

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Nehemi 9:14

Ang tagazi bur mang ma sabat ma ang tinim iram vama, ang hazi vuna, hata ki gata abo azong mangâ Moise.

Sawal la giled’a 19:12

Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.