Buzuk ka Abud’a 24:10 - Bible azumeina

¹⁰ Azi wAlona hi Israel-lîna. Vana nga ad’u asem kä bebed’ed’a hle tam d’igi ahina safir ra botlozid’a na d’igi akulod’a tata na mi.

Buzuk ka Abud’a 24:10 Referans Kwoze

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Ezekiyel 10:1

An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na.

Vama ndum mbeina 4:3

Iram mba gola nga d’i wile d’igi ahina d’a kal tegles sa jasped’a d’igi d’a sarduwanda na. Zlam mba amul ndata nga nguid’a ki vir ma b’al alona, nga mi wile d’igi ahina d’a emerota na.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Buzuk ka Abud’a 33:23

Bugola, an mba ni hlabon ndeyo, ang mba golondji ni blogonu, kayam sana mi ndak á wan iran ndi.

Buzuk ka Abud’a 33:20

Mi de kua ala: Ang ndak á wan iran ndi, kayam le sana mi wanu ni, nga mi sut ti.

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Matiye 17:2

Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi.

Vama ndum mbeina 1:16

Tchitchiud’a kid’iziya a nga ved’a abom ma ndjufâ, mbigeu d’a fiyak ka te d’a siyat mbàd’a, ti nde woi avunamu. Iram mba gola nga d’i wile d’igi afat ta faleid’a na.

Jean 6:46

Sama wAbun yam tu nga d’i, wani ni an ma tcholï gen Abun Alonina hol, ni an ba ni wumu.

Sawal la kal teglesa 6:10

Ni nge ndata ba, ti ndei d’igi yima fod’a na, ti djifâ d’igi tilâ na, ti wile d’igi afata na, ti ni vama mandarâ d’igi azigar suma a nga tok ad’u drapo mazid’ina na ge?

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Buzuk ka Abud’a 24:11

Alona mi le nga suma nglo suma Israel ndazina va d’i. Azi wumu. Bugola, azi të azi tchë.

Ndumba 12:8

An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Sawal la kal teglesa 5:14

Abomî d’igi ngangam ma lor ma a ndalam kahina d’a a yat ala Krisolitid’a na. Tamî d’igi sï ahlok ma a tched’em a ndalam kahina d’a a yat ala Safirid’a na mi.

Hor ma tchina 4:7

Mazi suma nglona adjeu a hapa titil kal gagarad’a, a hapa kal ambira mi. Hliwizi mi ngal wiwilik kal ahina korela, irazi ti ngal wiwilik kal ahina safira mi.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Daniel 10:17

Ni nana ba, an mala ni sana na ni ndak á de zlad’a ki ang salana ata yima ad’engên nga d’uo muzugan ka ndat mi na ge?

Ad’u Tinda 32:31

Kid’a afata deîd’a, Jakob mi djak Peniyel, nga mi tit dileîd’a yam ir tchugulum mba pata.

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!