Buzuk ka Abud’a 23:7 - Bible azumeina

⁷ Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i.

Buzuk ka Abud’a 23:7 Referans Kwoze

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

Gat ta a hat á mbàd’id’a 27:25

Sama mi ve he d’a hawad’a abo sana á tchi sama zlad’a nga kam mbuo na, Ma didina mi gum vuna! Ablau suma petna a hulong ded’a ala: Amin!

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.

Buzuk ka Abud’a 23:1

Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi.

1 Tasaloni’â 5:22

Agi walagi woi dei ki tcho d’a lara ge pet.

Sunda hi suma hi Levi-nid’a 19:11

Agi kulugi d’i, agi kagi tagi zlad’a d’i, agi lobogi ir tagi d’uo mi.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Zla d’a d’ogolâ 17:15

Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina, azi djak ni vama ndjendjed’a ir Ma didina.

Wana ni mbaktumba hi Job-pa 22:23

Le ang hulongî gen Ma ad’engêm kal petna, le ang wal tchod’a woi ki zlub’u manga deyu ni, ang mba hulong ata yang ma avo’â.

Buzuk ka Abud’a 20:13

Ar ang tchi sa d’i.

Ad’u Tinda 18:23

Abraham mi hut gevemu, mi dum ala: Na ni ang mba b’lak suma d’ingêrâ woi zlapa ki suma tchona zu?

Buzuk ka Abud’a 20:16

Ar ang le glangâs ma aboina yam ndrangâ d’i.

Sunda hi suma hi Levi-nid’a 19:16

Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Gat ta a hat á mbàd’id’a 25:1

Le suma mbà zlad’a nga adigaziya ni, a it avok suma ka sariyad’a. Ma zlad’a vum nga d’uo na, ma ka sariyad’a mi gum akulo; ma zlad’a vuma, mi kam sariyad’a kamu.

Sawal la giled’a 94:21

Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.

Sawal la giled’a 119:29

Ang walan ndei ki zla d’a kad’a, yam djivi manga ang tagan gat manga.

Zla d’a d’ogolâ 11:21

Gagazi, sama asa’atna zlad’a mba d’i ba bei vum mbi, wani andjafâ hi suma d’ingêrîna mba mi sut teyo.

Isai 5:20

Ni zla d’a hohoud’a yam suma a nga dala vama djivina ni vama tchona vama tchona ni vama djivina na, yam suma a nga vrak nduvunda balum b’od’ina suma a nga vrak b’od’a balum nduvundina mi na, yam suma a nga vrak vama aglarâ balum vama adjib’etnina vama adjib’etna balum vama aglarâ mi na.