Buzuk ka Abud’a 23:21 - Bible azumeina

²¹ Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Buzuk ka Abud’a 23:21 Referans Kwoze

Sawal la giled’a 78:56

Wani azi kuk Alo ma sä akulo ma kal teglesâ, a kak djangûna ki sed’emu, azi ngom nga vun mam ma hed’a d’uo mi.

Sawal la giled’a 78:40

Ni yazi ga ba, azi kak djangûna ki sed’em abagei hur fulâ ge? Ni yazi ga ba, azi b’lagam hurum abagei hur ful ma gangrasâ ge?

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 10:30

Ami kAbun ni tu.

Josue 24:19

Josue mi de mi suma a to’â ala: Agi ndak á lagi sunda mi Ma didina d’i. Kayam mam mi Alo ma bei tchod’a ba na, nAlo ma yungôrâ; mam mba mi ve tam yam tchila magid’a ki tcho magid’a d’i.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Kolos-sâ 2:9

Kayam ndak ka memeta hAlonid’a tata ti nga nata Christ.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 18:19

Le sana mi hum nga zla d’a ma djok vun máma mba mi dat ki simiyênda d’uo ni, an tanda mba ni ngobomu.

Ndumba 14:11

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Ndumba 14:35

Ni an Ma didina ba, ni de zla ndata. An gun tanu, ni hina ba, an mba ni le kablau d’a tcho d’a ndjak vunat á kak djangûna ki sed’en wanda. Azi pet a mba sam mbei abagei hur fulâ ka hî, azi mba bo woi mi.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Buzuk ka Abud’a 6:3

An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

Hebre-na 3:16

Ni suma lara ba, a hum del Alona, a kak djangûna ki sed’em ge? Ni suma Moise mi buzuguzi woi kur Ezipte na d’uo zu?

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jeremi 5:7

Ma didina mi dala: Ndak Jerusalem, Ni nana ba, an mba ni vat hurun ndei kak ke? Kayam gro’â a nga aran ndeyo, a nga gun tazi kalo ma nga nalona d’uo na. An hobozi ki tena, wani azi le ni mizeuna, a nga tok tazi avo hi gaulangâ.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Gat ta a hat á mbàd’id’a 9:7

Moise mi de kua ala: Agi djib’eregiya, agi maragi yam zal la agi zalagi hur Ma didina Alo magina abagei hur fulâ adjeud’a d’i. Tinï ad’ud’a kur bur ma agi buzugugï woi Ezipte-na dei gak mba magid’a ini ata yima wanid’a, agi ni suma so vun Ma didina.

Suma ka sariyad’a 13:18

Malaikana hi Ma didinina mi hulong dum ala: Ni kayam me ba, ang djobon yam simiyên nge? Simi máma ni simi ma atchapma.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.