Buzuk ka Abud’a 23:12 - Bible azumeina

¹² Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.

Buzuk ka Abud’a 23:12 Referans Kwoze

Wana ni Zla d’a Djivi d’a Luc mi b’irita 13:14

Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.

Buzuk ka Abud’a 35:3

Kur bur ma sabatna agi tchugugi akud’a kur givin magina d’i.

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Buzuk ka Abud’a 34:21

Agi lagi sunda burâ karagaya, agi ngomogi bur ma kid’iziya ma sabat ma tuk tad’a. Le ni ata yima zuma d’oze ata yima duta pî, agi ngomomu.

Marik 2:27

Jesus mi dazi kua ala: A le bur ma sabatna ni kayam sana, wani a le nga sana ni yam bur ma sabatna d’i.

Buzuk ka Abud’a 16:23

Moise mi dazi ala: Wana ni vama Ma didina mi de kama. Avin ni bur ma sabat ma tuk tad’a, ni sabat ma a tinim iram vam mi Ma didinina. Agi sorogi vama ndak á sorina, agi yagi vama ndak á yid’ina mi. Vama arâ, agi ngomogizi gak yorogo.

Buzuk ka Abud’a 23:11

Wani kur biza d’a kid’iziyad’a agi arat bei zuma. Magi suma houd’a a mba te kua, azurei suma abageina a mba te ad’um mba ara mi. Agi lagi hina ki guguzlu magid’a ki olif magina mi.

Buzuk ka Abud’a 35:2

Agi lagi sunda burâ karagaya, wani bur ma kid’iziyana agi tinim iram vamu; ni bur ma sabat ma tuk tad’a. Agi tinim iram vam yam Ma didina. Sama lara pî ma le sunda kurâ, a mba tchum mbeyo.

Sunda hi suma hi Levi-nid’a 23:3

Agi mba lagi sunda burâ karagaya, wani bur ma kid’iziyana ni bur ma sabat ma tuk tad’a. Agi togogi tok ka a tinit irat vata. Ata yima lara ma agi mba kagagi kuana, agi lagi sunda kur bur máma d’i, kayam ni bur ma sabatna hi an Ma didinina.

Nehemi 13:16

Suma Tir suma a nga kaka avo Jerusalem-ma a mba ki kulufâ kandjaf ahlena teteng á gusa woyo, a guzuzi woi kur bur ma sabatna abo suma Juda-na avo Jerusalem.