Buzuk ka Abud’a 2:23 - Bible azumeina

²³ Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Buzuk ka Abud’a 2:23 Referans Kwoze

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Sunda hi suma a sunuzinid’a 7:30

Kid’a mi le bizad’a dok fid’id’a, malaikana mi nde tam mbei iram hur fulâ go kahina d’a Sinai-d’a, aduk sin aku d’a nga d’i ngal aduk azlupid’a.

Ad’u Tinda 16:11

Gola! Nda’î wirâ, ndak mba d’i vut gorâ, ndak mba d’i yum ala Ismael, kayam Ma didina mi hum tchi mak ma hohoud’a.

Isai 19:20

Mba mi mbut ni vama taka á le glangâsâ ala Ma didin ma ad’engêm kal petna mi nga aduk Ezipte-na. Ata yima Ezipte-na a mba nde yi Ma didina á ndjunuzi á ngop suma a nga kid’eyêzi irazina, mam mba mi sunuzi ma sut ma mi ndjun kazi mi prud’uzi woina.

Sawal la giled’a 18:6

Ziyona hi yima azuleinina mi nguyun wa, dauna hi matnina mi nga gunda kä avoronu.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Nehemi 9:9

Ang we ndaka habuyomi ngolo d’a Ezipte-d’a, ang hum tchi mazi ma avun alum ma ngol ma Tchereunina.

Gat ta a hat á mbàd’id’a 24:15

Agi hum bege mam mba mi le sunda kat burâ tud’a bei afata nika, kayam mam mi sama houd’a, nga mi le lilinga á ve bege mamba d’i. Le hina d’uo ni, mba mi tchi avok Ma didina kagiya, zlad’a mba d’i vagiya.

Buzuk ka Abud’a 4:19

Ma didina mi de mi Moise avo Madiyan ala: Ang hulong Ezipte, kayam suma pet suma a halang á tchid’ina a bo wa da’.

Ad’u Tinda 4:10

Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

Ndumba 20:16

Ami tchimi yam Ma didina. Mi hum tchi mamina, mi sunï malaika mama, mi buzugumï woi kur Ezipte. Gola! Ami nga ka hî Kades kur azì ma ngol ma avun hagad’a handaga mangina.

Buzuk ka Abud’a 7:7

Ata yima Moise azi ki Aron a de zlad’a mi Faron-na, Moise bizamî dok klavandi, Aron bizamî dok klavandi yam hindi mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Buzuk ka Abud’a 1:14

A mbud’uzi yima kaka irazi tchod’a ki sun nda aneka, nala, a tub’ok lubuna, a tchi derengelâ, a nga le sun nda asined’a mi. Ni hina ba, a tinizi sun nda anek ka lara ge pet kaziya, a nga wazi hohowozi d’i.

Buzuk ka Abud’a 6:5

An hum zam tad’a hi Israel-lîd’a abo magom mba Ezipte-na a nga lazizid’a, an djib’er yam vun man ma djinda.

Buzuk ka Abud’a 6:9

Moise mi de zla ndata mi Israel-lâ hina, wani a humum nga d’i abo djop vuna ki ndaka hi magom mba a nga lazizid’a.

1 Samuel 12:8

Bugol la Jakob ki sum mama a i Ezipte-d’a, abuyogi ngolo a fe djop vuna, a yï Ma didina á ndjunuziya. Ma didina mi sun Moise azi ki Aron a buzuguzi woi kur Ezipte á tinizi kur ambas sa wanda.

Wana ni mbaktumba hi Job-pa 35:9

Suma a nga tchi abo djop vun ma suma nga djobozizi ngolâ heîna, a nga yi sama ndjunda abo murud’um mba suma ablaud’a a nga lazizid’a.

Sawal la giled’a 102:1

Wana ni tchenda hi sama nga kur ndaka ma mi nga mi tcha tata ma mi de zla mamba avok Ma didinina.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.

1 Samuel 9:16

Avin aboina hina dedege, ang mba ngaf ki sama Benjamin-na. Ang vom mbulâ kam á tinim amula yam man suma Israel-lâ, kayam mi pad’azi woi abo suma Filistê-na. Kayam sum mana a yan ala an ndjunuziya, an we ndak mazid’a mi.

Sawal la giled’a 102:2

Ma didina, ang hum tchen manda, ar tchi mana mi ndeza humangû!