Buzuk ka Abud’a 19:16 - Bible azumeina

¹⁶ Kur bur ma hindina ki yorogod’a, d’ugul la wura d’a i’îlika ti nga yam ahina d’a Sinai-d’a, alona mi wile mi breî mi. Adifa tchi ad’enga, suma pet suma a nga kur kangîna a nde zlaka.

Buzuk ka Abud’a 19:16 Referans Kwoze

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.

Hebre-na 12:21

Azi le mandara ngola abo vama azi wuma, gak Moise pî mi dala: An nga ni le mandarâ, ni zlak mi.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Sawal la giled’a 77:18

D’ugula nga d’i se mbina kûkû, d’ugula nga d’i breî mi. Gagazi, wile manga nga d’i djang kikilir ata yina pet d’igi yeûd’a nga d’i djang na.

Wana ni mbaktumba hi Job-pa 38:25

Ni nge ba, mi wak lovota akulo malo ma sed’a ge? Ni nge ba, mi ge lovota mi wiled’a ki breîd’a

Buzuk ka Abud’a 20:18

Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei.

Buzuk ka Abud’a 19:9

Ma didina mi de mi Moise ala: Anu, an nga ni mbeï geveng aduk d’ugul la wura d’a i’îlika, kayambala, ata yima an dang zlad’ina, ablaud’a pî a huma, a tin huruzi kang mi d’a. Moise mi hulong zla d’a ded’a hi Israel-lîd’a mi Ma didina kua.

Buzuk ka Abud’a 9:23

Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Sawal la giled’a 97:4

Wile mamba ti b’o yam duniyad’a, andagad’a ti wad’u, ti nga d’i zlaga.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

2 Sunda Hamuleinid’a 5:14

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî hur gong mamba.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Buzuk ka Abud’a 19:15

Mi dazi ala: Agi minigi tagi gak burâ hindi, ar agi zlabagi kamiyôgina d’uo mi.

Buzuk ka Abud’a 19:17

Moise mi buzuk suma woi kur kangâ á d’ugol Alona; azi tchol kä ad’u ahinad’a.

Buzuk ka Abud’a 20:21

Israel-lâ a tchol sä woi hina dei, wani Moise mi hud’ï gen d’ugul la wura d’a i’îlik ka Alona mi nga kuad’a.

Gat ta a hat á mbàd’id’a 5:5

Ata yi máma an tchol adigagi ki mam á dagi zla mamba, kayam agi lagi mandarâ abo akud’a, agi djagagi nga akulo yam ahinad’a d’i. Mi dagi ala:

2 Samuel 22:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Sawal la giled’a 81:8

Kid’a ang kur ndakid’a, ang yanu, an prud’ung ngeyo, an hulongông humba ata yima ngeid’a kur breîd’a halonid’a, an kugung avun mbiyo ma Meriba-na. Tchol ndjö