Buzuk ka Abud’a 19:13 - Bible azumeina

¹³ Sa mba mi tin abom atam mbi, wani a mba durumî kahinad’a, d’oze a mba yed’emî ki yeûd’a. Le ni sana d’oze d’uwarâ, a mba aram bei tchid’a d’i. Ata yima adifa tchina, suma an manazina a djak akulo yam ahinad’a.

Buzuk ka Abud’a 19:13 Referans Kwoze

Hebre-na 12:20

kayam azi ndak á ve vun ma he ma ala: Le d’uwarâ mi do ahina ndata ni, agi mba tchum mbei kahinad’a na d’i.

Buzuk ka Abud’a 19:19

Adifa tchiyat nga mi b’ik kä b’ib’ik. Moise mi de zlad’a mAlona; Alona mi hulong dum zlad’a ki delem akulo mi.

Buzuk ka Abud’a 19:16

Kur bur ma hindina ki yorogod’a, d’ugul la wura d’a i’îlika ti nga yam ahina d’a Sinai-d’a, alona mi wile mi breî mi. Adifa tchi ad’enga, suma pet suma a nga kur kangîna a nde zlaka.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

Buzuk ka Abud’a 19:14

Moise mi tchugï asem kä yam ahinad’a gen Israel-lâ, mi tinizi irazi vaziya, azi mbus baru mazina woi yed’et mi.

Buzuk ka Abud’a 19:17

Moise mi buzuk suma woi kur kangâ á d’ugol Alona; azi tchol kä ad’u ahinad’a.

Buzuk ka Abud’a 34:3

Ar sa mi djak ki sed’eng ngi, ar sa mi kal yam ahina ndata d’i, ar d’uwar ma gureina d’oze ma nglona mi te ngagad’a go kahina ndata d’uo mi.

Suma ka sariyad’a 20:37

Israel suma ngei kä na, a buzuk kei a nde yam suma Gibeya-na, a tchi suma kur azì ma ngolîna woi pet ki mbuguyo suma fuyogeina.