Buzuk ka Abud’a 19:12 - Bible azumeina

¹² Ang nga yina mi Israel-lâ ngui ahinad’a, ang dazi ala: Agi gologi tagi djivi á djagagi yam ahinad’a d’oze á dod’u. Nge nge pî ma do ahinad’ina a mba tchum mbeyo.

Buzuk ka Abud’a 19:12 Referans Kwoze

Josue 3:4

Wani agi aragi adigagi d’a ki zandu’îd’a d’igi kilometred’a tu na, agi hud’ugi go ki sed’em mbi. Hina wani, agi mba wagi lovot ta agi mba hlata. Kayam agi hlagi nga lovot ndata yagi tu d’i.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

Gat ta a hat á mbàd’id’a 2:4

Ang he vuna mablau suma, ang dazi ala: Agi nga halagi ir hagad’a hi b’oziyogina Esau grom suma a nga kaka Seir-râ. A mba lagi mandaragiya, wani agi gologi tagi djivi ped’et.

Buzuk ka Abud’a 34:12

Agi gologi tagi djivi á djinigi vunagi ki suma agi mba kalagi kur ambas mazid’ina tala azi mbut ni dau ma vagina d’a d’i.

Buzuk ka Abud’a 19:23

Moise mi de mi Ma didina ala: Suma a ndak á djak yam ahina d’a Sinai-d’a d’i, kayam ang hami vuna ala ami ngami yina ngui ahinad’a, ar suma a tchol sä woi hina dei mi.

Buzuk ka Abud’a 19:21

Ma didina mi de mi Moise ala: Ang tchuk aseng kä, ang i ve hum Israel-lâ kekei, ar azi b’at tazi atogo á mba geven an Ma didina á golon tala ar suma ablaud’a adigazi a bo d’a d’i.

Buzuk ka Abud’a 10:28

Faron mi de mi Moise ala: Ang nde woi avo hatanu! Gol tang djivi á hulongî avoron ka hî! Le ang hulongî avoron ka hî d’eyu ni, an mba ni tchangû.

Hebre-na 12:18

Agi mbagi nga ni go kahinad’a d’igi Israel-lâ na d’i. Nahina d’a Sinai d’a suma a ndak á dot ta nga d’i ngal akud’a bibiliud’a, ni yima wurana ki nduvun nda i’îlika ki babar ma ndundulâ

Buzuk ka Abud’a 34:3

Ar sa mi djak ki sed’eng ngi, ar sa mi kal yam ahina ndata d’i, ar d’uwar ma gureina d’oze ma nglona mi te ngagad’a go kahina ndata d’uo mi.

Buzuk ka Abud’a 24:2

Ni ang Moise tu ba, ang hud’ï geven an Ma didina. Suma dingâ a hud’ï go d’i, suma ablauna a djagï yam ahinad’a ki sed’eng nguo mi.