Buzuk ka Abud’a 18:7 - Bible azumeina

⁷ Moise mi nde woi mi d’ugol akunoma, mi grif kä avoromu, mi bed’em kok. A nde djop tazi yam lafiya mazid’a. Bugola, a tchuk kur zlub’ud’a hi Moise-sa.

Buzuk ka Abud’a 18:7 Referans Kwoze

Ad’u Tinda 29:13

Ata yima Laban mi hum zla Jakob wiyemba gorotnina, mi tchol ringâ, mi d’ugulomu, mi bed’em kok, mi mba ki sed’em avo hatamu. Jakob mi vum ad’u ahlena pet suma a lena.

1 Amuleina 2:19

Ndat i gen amulâ Salomon á dum zla d’a djivid’a yam Adoniya. Amulâ mi tchol lei akulo á ngavad’u, mi grif kä avorod’u. Bugola, mi hulong mi kak akulo yam zlam mam mba amula. Azong mama mi tin zlam mba dinga yam bigam mba ndjufa; asum ti kak kua.

2 Samuel 11:7

Uri mi mba gen David. David mi djobom yam Jowap, yam suma, yam ayî ma durâ mi.

Ad’u Tinda 19:1

Ki fladeged’a malaika suma mbà ndazina a mba Sodom. Lot mi nga kaka kä avun azì ma Sodom-ma. Kid’a mi wazid’a, mi tchol mi d’uguloziya, mi grif kä, mi tchok yam kä andaga avoroziya,

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 14:17

Kid’a Abram mi kus yam Kedorlaomer kamulei suma a nga zlapa ki sed’ema kusa, mi hulongîya; amul ma Sodom-ma mi nde woi á ngavam kur hor ra Save-d’a, nala, hora hamulîd’a.

Sunda hi suma a sunuzinid’a 28:15

Kid’a b’oziyoi suma kur azì ma ngol ma Rom-ma a humumi zlamid’id’a, a tcholï dei gak a mba d’ugulomi ad’u Suk ma Apiyus-sâ, avun Gong nga akoi d’a hindid’a. Kid’a Paul mi we sum ndazina, mi le mersi mAlona, hurum b’lengâ.

Sunda hi suma a sunuzinid’a 20:37

Azi pet a tchi ngola, a ve Paul ataziya, a gum depa.

Wana ni Zla d’a Djivi d’a Luc mi b’irita 7:45

Kid’a an kal avo hatanga, ang van nga atang ngi, wani ndat ar nga bei van asen ndi.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

Ndumba 22:36

Kid’a Balak mi hum ala: Baläm nga mi djïya d’a, mi nde á d’ugulom sä kur azì ma ngol ma Mowap ma avun alum ma Arnon-na ma avun dabid’a hi haga mambina.

Ad’u Tinda 46:29

Josef djin pusâ ad’u akulumeina, mi djak kur á i Gosen á d’ugol abum Israel. Ata yima mi wuma, mi bed’em kelem kok, mi nde tchina.

Ad’u Tinda 45:15

Mi bet b’oziyom suma dingâ ki tchina hina kokok mi. Bugola, b’oziyoma a yo seretna ki sed’emu.

Ad’u Tinda 31:28

Ang aran nga á ge grona ki gron ngolona depa d’i. Ang le hini sun nda lilid’a.

Ad’u Tinda 43:26

Kid’a Josef mi kalï avod’a, a hum he d’a hawad’a, a grif kä andaga avoromu.

Buzuk ka Abud’a 4:27

Ma didina mi de mi Aron ala: Ang i hur fulâ á ngaf Moise. Mi i ngaf Moise yam ahinad’a hAlonid’a, mi bed’em kok.

Buzuk ka Abud’a 18:6

Jetro mi ge sunda, mi de mi Moise ala: An akunongâ Jetro, an mbang nga amanga ki grot suma mbàna.

Buzuk ka Abud’a 33:7

Moise mi hô zlub’ud’a, mi i vattcha woi bugol kangâ dei, mi yat ala zlub’u d’a ngaf tad’a. Nge nge pî le mi min djop Alona ni, mi i ni kur zlub’u d’a ngaf ta d’a a vattcha woi bugol kangâ ndata.

1 Samuel 17:18

Ang yo te ma a lum kambirina dogo abong mi, ang hum mi ngol mazi ma ayîna. Le b’oziyongâ a nga hawa ni, ang mba we, ang mba mbanï ki va mazi ma taka ala azi nga hawa.

1 Samuel 17:22

David mi ar ahle mama abo sama ngom ahlena, mi ring atogo zak ata yima azigarâ a nga kuana, mi fe b’oziyoma, mi djobozi ala azi ni hawa ko zu?