Buzuk ka Abud’a 16:4 - Bible azumeina

⁴ Ma didina mi de mi Moise ala: Gola! An nga ni yagagi avungôna ei akulo. Suma a mba buzuk á yom burâ ki burâ ndak yam te mazi ma burâ tuna, kayam an ni kuguziya, an ni waziya, na ni a mba tit yam gat manda d’oze a mba tit kat tuo zu?

Buzuk ka Abud’a 16:4 Referans Kwoze

1 Korente-na 10:3

Azi pet a te ni tena hAlonina.

Sawal la giled’a 105:40

Yam tchen mazid’a, mi hazi tcheged’a, mi hobozi kavu ma ndeï akulona mi.

Gat ta a hat á mbàd’id’a 8:2

Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.

Buzuk ka Abud’a 15:25

Moise mi nde tchina yam Ma didina; Ma didina mi tagam agu ma dingâ tu. Moise mi gum kä aduk mbina; mbiyo máma mi mbut adjib’eta. Ni kua ba, Ma didina mi hazi gata ki vun ma hed’a; ni kua ba, mi kuguziya.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Gat ta a hat á mbàd’id’a 8:16

Ni mam ma mi hagi man ma abuyogi ngolo a wum nga yazi tu d’uo abagei hur fulâ á ted’a á hulongôgi yagi kä á lagi djivid’a bugolâ.

Matiye 6:11

Ang hami ini te mami ma burâ ki burîna.

Zla d’a d’ogolâ 30:8

Ang walan ndei ki zla d’a hawa yaka ki zla d’a kad’a. Ang han houd’a d’uo mi na, ang han ndjondjoîd’a d’uo mi. Ang han ni te ma ndagana hol.

Nehemi 11:23

kayam amulâ David mi he vuna kazi adjeu mi ngazi wurak ka a hazizi burâ ki burîd’a mi.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Wana ni Zla d’a Djivi d’a Luc mi b’irita 11:3

Ar ang hami te mamina burâ ki burâ.

Buzuk ka Abud’a 16:15

Israel-lâ a golomu, a de tazi ala: Ni me na ge? Kayam azi wum nga ala ni va hî d’i. Moise mi dazi ala; Navungô ma Ma didina mi hagizi á ted’ina.

Sawal la giled’a 78:23

Hina pet pî, mi he vuna mi d’ugul la akulod’a, mi mal vun agrek ma akulona woyo.

Nehemi 9:20

Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.