Buzuk ka Abud’a 15:2 - Bible azumeina

² Ma didina nad’eng manda; ni mam ba, an ni gilemu. Ni ma sud’una; NAlo mana, an mba ni suburumu. Mam mi Alona habuna, an mba ni hum ngola.

Buzuk ka Abud’a 15:2 Referans Kwoze

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Sawal la giled’a 118:14

Ma didina nad’eng manda, ni sawal manda bangâna mi. Mba mi sud’un ndeyo.

Sawal la giled’a 18:46

Andjaf suma dingâ a tchuk susub’ok, azi mba buzuk kei ki mandarâ kur gulumun mazi ma ad’eng ma ngunguna.

Sawal la giled’a 59:17

Wani an mba ni hle sawala yam ad’eng manga; gagazi, yorogo an mba ni de woi yam o mang nga didinda, kayam angî gulumun man ma ngeid’a, angî yi man ma ngeid’a kur bur ma ndaka mi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Sawal la giled’a 140:7

Ma didina, an nga ni dangû, angî Alo mana, Ma didina, ang tin humang hum tchen man nda hud’a.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

Sawal la giled’a 118:28

Angî Alo mana, an mba ni gilengû; Alo mana, an mba ni hang ngola!

Sawal la giled’a 99:5

Agi hagi ngola mi Ma didina Alo meina, agi grivigi kä avok yi mam ma tin asema. Mam mi ma bei tchod’a ba na!

Sawal la giled’a 34:3

An mba ni subur tan yam Ma didina; agi suma lulumana, agi humunu, agi lagi furîd’a mi.

Gat ta a hat á mbàd’id’a 10:21

Mam mi subur magid’a, mam nAlo magina. Ni ma mi le sun nda nglod’a kahle suma ndandalâ adigagi d’igi agi wagizi ki iragi na mi.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

2 Korente-na 5:19

Ni yam Christ ba, Alona mi zlap suma pet darigïd’a ki mam tamba, nga mi djib’er yam tchila mazid’a d’i. Kayam ndata, mi hami sun nda zlap suma darigïd’a ki mamba á ded’a.

Sunda hi suma a sunuzinid’a 4:12

Suta nga ata sama ding ngi, kayam simi ma ding ma nga yam andagad’a ka hî ma Alona mi hum aduk suma mala ei fei ki suta atamu na, mi nga d’i.

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

2 Samuel 22:47

Ma didina, angî ma nga na; an nga ni gileng ang ahina manda, an nga ni suburung ang Alo mana, ang ahina manda, angî ma sud’una mi.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Efes-sâ 2:22

Kayam mamu, a nga minigi akulo zlap tu á mbud’ugi gong nga kaka hAlonid’a yam Muzuk mama.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Sawal la giled’a 109:1

Wana ni sawal la gile d’a David mi hlat mi hat mi ma ngolâ hi suma hle sawalina. Ang Alo ma an nga ni gilengâ, ar ang kak mudjuk ki!

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Vama ndum mbeina 19:1

Bugol ahle ndazina, an hum del la ngola d’igi dela hablau sumid’a na kur akulod’a, ti dala: Ei gilei Alona! Suta, subura kad’enga ni hAlo meinid’a.

Filip-ma 4:13

An ndak á lahlena pet yam ad’eng nga Christ mi handjid’a.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 4:22

Agi Samari-na kud’urogi ni vama agi wum nga d’uo na. Ami Juif-fâ kud’uromi ni vama ami wuma, kayam suta ti tcholï nata Juif-fâ.

Wana ni Zla d’a Djivi d’a Luc mi b’irita 2:30

Kayam iran we wa Ma sut mangâ d’a.

Wana ni Zla d’a Djivi d’a Luc mi b’irita 1:77

á tak mi sum mama ala mam mba mi sud’uziya, mba mi vat hurum mbei yam tcho mazid’a mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Jeremi 32:38

Azi mba mbut sum mana, an mba ni arî Alo mazina mi.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Sawal la giled’a 132:5

gak an fe yina yam Ma didina, yima kaka yam Alo ma ad’engâ hi Jakob-ma.

Sawal la giled’a 68:20

Ar ei suburi Salad’a burâ ki burâ! Ata yima a nga lei ndakina, mi prud’i woi ni mamu. Tchol ndjö

Sawal la giled’a 30:1

Ni sawal la David mi hlat ki furîd’a á mal vun gong mambid’a.

Sawal la giled’a 28:8

Ma didina nad’enga hi sum mamid’a, mam mi gulumun ma ad’eng ma sut amul ma mam manama.

Sawal la giled’a 22:10

Ma didina, ni ang ba, ndanï woi kur asunu, ni ang ba, ngomon avun apona hasuna bei va lan ba mi.

Sawal la giled’a 22:3

Alo mana, an nga ni yang falei á ndjununu, wani ang nga humun ndi; andjege pî, an nga ni tuk tan ndi.

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Amuleina 8:13

wani an mining gong nga ngol la kud’ora; ni yima ang mba kak kur gak didina!

2 Samuel 22:51

Ma didina, ang lahle suma ndandalâ á sud’un an amul mangâ, ang le djivid’a ki an amul ma ang manana, nala, an David kandjavan gak didin.

2 Samuel 7:5

Ang i de mazong mana David ala: An Ma didina ni dala: Ni ang ba, mba minin gong nga an mba ni kak kuad’a zu?

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Kolos-sâ 2:9

Kayam ndak ka memeta hAlonid’a tata ti nga nata Christ.

Ad’u Tinda 49:18

Ma didina, an djib’er ala ang nga sud’unu!

Suma ka sariyad’a 5:21

Toliyon nda Kison nda dedeid’a, ti tor suma djangûna woyo. An nga ni miret suma gangrangâ kä kasenu!

Sawal la giled’a 48:14

Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Habakuk 3:13

Ang nde woi abu á sut sum mangâ, á sut ma ang manama, ang b’lak amulâ hi suma tchonina woyo, ang tchi sum mama woi pet mi. Tchol ndjö

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

2 Samuel 7:24

Ang mbud’um andjaf mangâ, kayam mi ka’î mangâ gak didin. Ma didina, ang arî Alo mama mi.

2 Samuel 22:3

Alo mana nahina man nda an ngei tan kuad’a, mam mi mbarei manda, mam mi ad’eng nga sud’unda, mam mi yima an sut tan kuana. Ma sud’una, ang sud’un ndei kur yima tchona.

1 Sunda Hamuleinid’a 16:14

Mam mi Ma didina Alo meina, sariya mam mba kad’a ti nga yam andagad’a pet mi.

Sawal la giled’a 118:21

An mba ni gilengû, kayam ang humunu, ang mba sud’un ndeyo.