Buzuk ka Abud’a 13:9 - Bible azumeina

⁹ Bur máma mba mi mbut ni vama ge humba d’igi vama taka na djinda del abogiya, ni d’igi vama djib’era na djinda avorogi mi, kayam agi aragi gata hi Ma didinid’a ti wal lei ki vunagi d’i. Kayam ni Ma didina kad’eng mamba ba, mi buzugugï woi kur ambas sa Ezipte-d’a.

Buzuk ka Abud’a 13:9 Referans Kwoze

Gat ta a hat á mbàd’id’a 6:8

Ang djinim del abongû, ang djinim avorong mi.

Ndumba 15:39

Le agi nga ki gimi máma avun baruna na ni, agi mba wumu, agi mba djib’eregi yam vun man ma hed’a pet á le ki sunda kamu, agi mba tid’igi yam djib’er ra kurugi krovod’a ki d’od’oka hahle suma agi wagizi ki iragi suma a igi á tuwal fileinina d’i.

Buzuk ka Abud’a 13:16

Bur ma ngat buzu máma mba mi mbut ni d’igi vama taka na djinda del abogiya, ni d’igi vama djib’era na djinda avorogi mi. Kayam ni Ma didina kad’eng mamba ba, mi buzugugï woi kur Ezipte.

Buzuk ka Abud’a 12:14

Bur máma mba mi mbut ni bur ma ge humba. Agi mba lagi vun tilâ kur bur máma á suburun an Ma didina. Vun til máma mba mi mbut ni gat magid’a kur atchogoi d’a lara ge pet.

Romê-na 10:8

Wani mbaktumba ti de nana ge? Ti ala: Gola! Zla ndata nga go ki angû, ti nga avunangû, ti nga kurung mi. Ni zla d’a he gagazi d’a ami nga tchat walata.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

Gat ta a hat á mbàd’id’a 30:14

Wani zla ndata ti nga ni go ki sed’egiya, ti nga avunagiya, ti nga kurugi mi kayambala agi lagi sunda kad’u d’a.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Vama ndum mbeina 18:8

Kayam ndata, tugud’ei d’a tcho d’a a nga ngomota, mba d’i tumut bur tu. Tugud’eid’a, yor tad’a ki baktarad’a, a mba ngalat tei kakud’a, kayam Salad’a Alo ma ad’engêm kal petna mi kat sariyad’a kat da’.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Jeremi 22:24

Ma didina mi dala: Ang i de mi Jekoniya Jojakim goroma amul ma Juda-na ala: An gun tan ki an Ma bei matna ba na. Ang ladjï ni d’igi ngangam ma nga ata abon ma ndjufîna hina pî, an mba ni pad’ang ngeyo.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 49:16

Gola! An b’irik nga ni hur abon ma biyarâ, iran nga tinda yam gulumun ma’â teteu.

Isai 40:10

Gola! Salad’a Ma didina nga mi djï kad’enga. Mi nga kad’enga á te yamba, nga mi djï ki wurak mamba; wurak ka yam sun mambid’a nga abom mi.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Zla d’a d’ogolâ 3:21

Gorona, ar ang ngom zla d’a irata ki djib’era, ar a wal lei ki sed’eng ngi.

Zla d’a d’ogolâ 1:9

Azi ni d’igi avaval la djif fa ang kulubut kanga na, d’oze d’igi yeyê ma ang gum kelengâ na mi.

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Nehemi 1:10

Ami nazungeî mangâ, ami ni sum mang suma ang pad’ami woi kad’eng mang nga kal teglesa kabong ma ad’engîna.

Gat ta a hat á mbàd’id’a 6:6

Vun ma he ma an hangzi inina, ar mi kak kurungû.

Sawal la kal teglesa 8:6

Ang tinin kurung d’igi tampongâ na, ang tinin bigang d’igi tampongâ na mi, kayam od’a tad’enga d’igi matna na, yungôrâ mad’enga d’igi yima azuleina na mi. Vat mam mba dudunuka takud’a d’igi sin akud’a hi Ma didinid’a na.

Zla d’a d’ogolâ 7:23

ma gak yeûd’a ti tchogom yam mugulama na, d’oze d’igi alei ma mi b’at tam á ve ki dauna ma mi we nga d’ala a gunum ná bam mbeyo d’uo na na.

Buzuk ka Abud’a 3:20

Ni kayam ndata ba, an mba ni to suma kur ambas sa Ezipte-d’ina kahle suma ndandalâ teteng kurud’u. Bugola, mam mba mi aragi agi igiya.

Buzuk ka Abud’a 7:4

Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Sawal la giled’a 136:12

Kabom ma ad’engâ ki bigam mba zid’a kam akulo zid’a mi sud’uzi woyo, kayam o mamba nga d’i dap pi.

Isai 44:5

Ma dingâ mba mi dala: An ni ma hi Ma didinina, ma hina mba mi yi tam ki simiyê Jakob, ma hina mba mi b’ir simiyê Ma didina huyok abomu, ma hina mba mi yi tam ki simiyê Israel-lâ mi.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Gat ta a hat á mbàd’id’a 5:15

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Gat ta a hat á mbàd’id’a 6:21

agi dazi ala: Adjeu ami ni magumeina hi Faron-na avo Ezipte. Ma didina mi buzugumï woi kad’eng mamba avo Ezipte.

Suma ka sariyad’a 2:12

A ar Ma didina Alona habuyozi ngolo ma buzuguzï woi kur Ezipte-na woyo, a zlap kalo ma tetengâ hi suma a nguyuzina, a nga grif kä avoromu. Ni hina ba, a zal hur Ma didina.

Sawal la giled’a 136:11

Ni ma buzugï Israel-lâ woi aduk Ezipte-nina, kayam o mamba nga d’i dap pi.

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.