Buzuk ka Abud’a 13:18 - Bible azumeina

¹⁸ Ni kayam ndata ba, Alona mi hulong hlazi lovot ta hur fulâ abo ma yam alum ma ngol ma Tchereunid’a. Israel-lâ a buzuk kei avo Ezipte ad’u adezezi ad’u adezeziya.

Buzuk ka Abud’a 13:18 Referans Kwoze

Gat ta a hat á mbàd’id’a 32:10

Ma didina mi feï Israel-lâ nabagei hur fulâ, aduk amburei suma tcho suma tchi mazina mbut suma mandarîna. Mi gahlabam kaziya, mi ngomoziya, mi ngomozi ni d’igi iram mba aduka na.

Buzuk ka Abud’a 14:2

Ang de mi Israel-lâ, a hulong a vanguvora avok Pi-Hahirot aduk Mikdol kalum ma ngolâ ngagad’a yam Bäl-Sefon d’ar. Nata yi máma ba, agi vagi anguvora kua go kalum ma ngolâ.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Josue 1:14

Amiyôgina ki grogina ki d’uwar magina a mba ar ka hî yam ambas sa Moise mi hagizi abo alum ma Jurdê-na ka hid’a. Wani agi suma dur ayîna pet, agi tchugugi tagi avok b’oziyogina, agi ndjunuzi

Gat ta a hat á mbàd’id’a 17:16

Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i.

Josue 4:12

Suma dur ayî suma ad’u andjafâ hi Ruben-na kandjafâ hi Gad-na kabo andjafâ hi Manase-nina, a kal avok Israel-lâ d’igi Moise mi hazi vuna na.

Josue 4:13

Suma dur ayî suma a min tazi á durâ ndazina, a ni go ki 40.000. Sum ndazina a kal avok Ma didina, a i irazi hur ful la Jeriko-d’a.

Sawal la giled’a 136:16

Ni ma buzuk sum mama woi abagei hur fulîna, kayam o mamba nga d’i dap pi.

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

Buzuk ka Abud’a 14:9

Ezipte-na kakulumeina pet ki pus ma dur ayîna hi Faron-na ki mam suma djang akulumeina ki azigar mama, a nga digizi ad’uziya, a tewezi ata yima azi vanguvora avun alum ma ngolâ abo ma Pi-Hahirot-na ngagad’a yam Bäl-Sefon d’arâ.

Sawal la giled’a 68:8

Ata yima ang Alona ndei woi avok sum mangâ avo Ezipte ang nga tit avorozi hur fulîna, Tchol ndjö