Buzuk ka Abud’a 12:9 - Bible azumeina

⁹ Agi mud’um karid’a d’oze yum ki mbina d’uo mi, wani agi soromî tumbulu, yamba kasema karuwatna pet.

Buzuk ka Abud’a 12:9 Referans Kwoze

Buzuk ka Abud’a 12:8

Kur andjege ndata, agi sorogi hliu máma, agi mud’um kavungô ma lum bei angufina kasu ma aglarâ mi.

Gat ta a hat á mbàd’id’a 16:7

Agi mba yagi hliu va mama, agi mba tagizi ata yima Ma didina Alo magina mba mi manama. Yorogod’a agi hulongôgi igi kur zlub’u magid’a.

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Buzuk ka Abud’a 29:13

Ang yo mbul ma yam aruwatnina pet, ang ngat aduduka vunat ma lelegem ma go ki b’orozombina ki b’orozomba zla tat djak ki mbul ma katna mi, ang ngalazi yam yima ngal ahle suma ngat buzuna.

Buzuk ka Abud’a 29:17

Ang tchalam hliwim kä woi teteng, ang mbus aruwatna kasema woyo, ang tchuguzi yam hliu ma ang tchalam kä woi tetengâ ki yamba mi.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

2 Sunda Hamuleinid’a 35:13

A sor hliu tumiyôna kakud’a d’igi gata de na, a yi hliu ma a tinim iram vama kur duguyona, ma dingâ a yum ki duguyo suma yavuna, ma dingâ a yum kur halâ mi, a b’rau ahle ndazina mi suma ablaud’a atogo zazak.