Buzuk ka Abud’a 12:7 - Bible azumeina

⁷ Agi vagi buzuwamu, agi yamam avun gonga abo hî abo hî, agi yamam avun bilâ akulo mi, avun azì ma agi mba tum kuana.

Buzuk ka Abud’a 12:7 Referans Kwoze

Hebre-na 11:28

Ni yam he gagazid’a ba, mi le Pa’â, mi he vuna á yam buzuna avun azina, kayam malaika ma tchi suma mi tchi gro suma a vud’uzi avo’â hi Israel-lîna woi d’i.

Hebre-na 9:22

D’igi gata ti de na, ahlena pet a mbuzuzi woi yed’et ni ki buzuna. Bei buzuna mi djang ngei ba ni, Alona nga mi vat hurum mbei yam tchod’a d’i.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

Hebre-na 10:14

kayam buzu ma ngat ma tu máma mi mbut suma mi mbuzuzi woi yed’et kur tcho mazid’ina memet gak didin.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Gat ta a hat á mbàd’id’a 11:20

Agi mba b’irizi akulo avun bil magina ki vun agrek magina mi.

1 Amuleina 6:31

Mi le vun gong nga zandu’â mi nga kuad’a ni ki bap ma a malam abo hî abo hî na kagu olif ma abageina.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.