Buzuk ka Abud’a 12:51 - Bible azumeina

⁵¹ Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Buzuk ka Abud’a 12:51 Referans Kwoze

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 6:26

Ni Aron azi ki Moise ndazina ba, Ma didina mi hazi vuna ala: Agi buzugugi Israel-lâ woi kur Ezipte ad’u andjavaziya na.

Sunda hi suma a sunuzinid’a 13:17

Alona hi Israel-lîna, mi man abuyoi ngolo. Kid’a azi nga angoyogeina kur ambas sa Ezipte-d’id’a, mi zuluziya. Bugola, mi pad’azi woi kur ambas sa Ezipte-d’a kad’eng mamba.

Jude 1:5

Wani ki tchetchemba, agi wagi ahle ndazina tetet, wani an nga ni gagi humagi kua, ni nana ba, Salad’a mi sut Israel-lâ woi kur ambas sa Ezipte-d’a, bugola, mi ba suma a he nga gagazid’a d’uo na woi ge.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 7:4

Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Buzuk ka Abud’a 12:50

Israel-lâ pet a le d’igi Ma didina mi he vuna mi Moise azi ki Aron na.

Buzuk ka Abud’a 13:1

Ma didina mi de mi Moise ala:

Buzuk ka Abud’a 16:1

Ablaud’a hi Israel-lîd’a pet a buzuk kei Elim, a mba hur ful ma Sin ma aduk Elim ki Sinai-na, kur bur ma dogo yam vahlâ hi til ma mbànina bugol buzuk mazi d’a woi kur ambas sa Ezipte-d’id’a.

Buzuk ka Abud’a 19:1

Kur til ma hindi ma Israel-lâ a buzuk kei kur ambas sa Ezipte-d’ina, kur bur máma a mba hur ful ma Sinai-na.

Sawal la giled’a 114:1

Ata yima Israel-lâ a buzuk kei avo Ezipte-na, ata yima suma hi Jakob ndazina a wal lei ki suma a de vun ma dingîna,

Sawal la giled’a 136:11

Ni ma buzugï Israel-lâ woi aduk Ezipte-nina, kayam o mamba nga d’i dap pi.

Amos 2:10

Wani avok ahle ndazina, an buzugugï woi yam ambas sa Ezipte-d’a, an tit ki sed’egi abagei hur fulâ bizad’a dok fid’i tala agi tagi ambasa hi suma Amor-râ d’a.

Mise 6:4

Kayam an buzugugï woi kur ambas sa Ezipte-d’a, an wurak kagi kur yima a lagi magomba kuana, an sun Moise azi ki Aron ki Miriyam avorogiya.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

Sunda hi suma hi Levi-nid’a 23:43

kayam andjavagi ma bugolâ mi wala ata yima an buzugugï woi yam ambas sa Ezipte-d’ina, ni kagagi ni kur zlub’ud’a. An ni Ma didina Alo magina.

Ndumba 23:22

Alona mi buzuguzï woi kur Ezipte, mam kazi ni d’igi ad’enga havündid’a na.

Ndumba 26:4

Agi ndumugi suma bizazi dok mbàna d’oze suma bizazi kal dok mbàna d’igi Ma didina mi han vuna ki Israel suma a buzugï woi kur ambas sa Ezipte-d’ina na.

Ndumba 33:1

Wana ni tita hi Israel-lâ kid’a a buzugï woi Ezipte ata lovod’ot ad’u Moise azi ki Aron-nda.

Gat ta a hat á mbàd’id’a 4:37

Mi le yam abuyogi ngolo, mi managi agi andjavazi ma bugolâ. Kayam ndata, mi buzugugï wa woi avo Ezipte ki sib’ik mamba.

Gat ta a hat á mbàd’id’a 16:1

Moise mi de kua ala: Agi ngomogi til ma a yum ala Abip-ma, agi lagi vun til ma Pa’â á subur Ma didina Alo magina. Kayam ni kur til ma Abip-ma ba, Ma didina Alo magina mi buzugugï woi avo Ezipte andjege.

Josue 24:5

An sun Moise azi ki Aron, an tum Ezipte-na ki tugud’ei d’a tchod’a teteng, an buzugugï woi avo Ezipte.

1 Amuleina 6:1

Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

2 Sunda Hamuleinid’a 14:12

Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi.