Buzuk ka Abud’a 12:25 - Bible azumeina

²⁵ Fata agi kalagi kur ambas sa Ma didina mba mi hagizi d’igi mi hlagi vunam kat na d’a, agi ngomogi vun til máma ped’et.

Buzuk ka Abud’a 12:25 Referans Kwoze

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

Buzuk ka Abud’a 12:24

Agi kandjavagi agi mba ngomogi bur máma d’igi ni gat magid’a na gak didin.

Buzuk ka Abud’a 12:26

Le grogina a mba djobogi ala: Agi lagi vun til máma ad’uma na ge ni,

Buzuk ka Abud’a 13:5

Fata Ma didina mi kalagi kur ambasa hi suma Kanan-na, hi suma Het-na, hi suma Amor-râ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kua d’a mi gun tam kat mabuyogi ngolo á hagizid’a, agi lagi vun til máma mi Ma didina kur til máma.

Buzuk ka Abud’a 13:10

Agi mba ngomogi gat ndata ata yima ngama bizad’a ki bizad’a.