Buzuk ka Abud’a 12:21 - Bible azumeina

²¹ Moise mi yï suma nglo suma Israel-lâ pet, mi dazi ala: Agi yogi aho’â yam vun aziyagi gagang, agi ngad’azi á le vun til ma Pa’â.

Buzuk ka Abud’a 12:21 Referans Kwoze

Buzuk ka Abud’a 12:3

Agi dagi Israel-lâ pet ala: Kur bur ma dogona hi til ma wanina, ar nge nge pî mi ve gor timina yam sum mama avun azina gagang.

Esdras 6:20

Suma ngat buzuna ki suma hi Levi-na djak a mbut tazi yed’et, azi pet a mbut yed’et. A ngat tumiyôna yam vun til ma Pa’â yam suma a yozi magomba adjeuna, yam b’oziyozi suma ngat buzuna, yam azi tazid’a mi.

2 Amuleina 23:21

Amulâ Josiyas mi he vuna mi suma pet ala: Agi lagi vun til ma Pa’â á he ngola mi Ma didina Alo magina d’igi mbaktum mba Alona mi djin vunam kura ti de na.

Josue 5:10

Israel-lâ a ve kangâ Gilgal, a le vun til ma Pa’â kur bur ma dogo yam fid’ina hi til mámina ki fladeged’a hur ful la Jeriko-d’a.

Ndumba 11:16

Ma didina mi de mi Moise ala: Ang togon suma nglo Israel-lâ dok kid’iziya, suma ang wazi ala ni suma nglona avok suma na, ang mba ki sed’ezi avun zlub’u d’a ngaf tad’a, ar a tchol akulo ata yi máma zlapa ki sed’engû.

Buzuk ka Abud’a 19:7

Moise mi mba, mi yi suma nglona hi Israel-lîna, mi dazi zla ndata pet d’igi Ma didina mi hum vuna na.

Buzuk ka Abud’a 17:5

Ma didina mi hulong de mi Moise ala: Ang kal avok sum ndazina, ang yo suma nglo suma Israel-lâ ki sed’engû, ang hle totogo mang nga ang wat kalum ma Nil-lîd’a abongû, ang kal avogo.

Buzuk ka Abud’a 12:11

Ata yima agi mba tuma, agi djinigi d’i’â furugiya, agi tchugugi atuguru magina asegiya, agi yogi tutuguyo magina abogiya, agi mud’ugizi atogotogo. Ni vun til ma Pa’â hi an Ma didinina.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

1 Korente-na 10:4

Azi pet a tche ni mbina hAlonina mi, kayam azi tche ni mbiyo ma lawï ata ahinad’a hAlona d’a nga d’i tit blogozid’a. Ahina ndata ni Christ.

Hebre-na 11:28

Ni yam he gagazid’a ba, mi le Pa’â, mi he vuna á yam buzuna avun azina, kayam malaika ma tchi suma mi tchi gro suma a vud’uzi avo’â hi Israel-lîna woi d’i.

Buzuk ka Abud’a 12:20

Ata yima lara pet ma agi mba kagagi kuana, agi tagi avungô ma a lum kangufina d’i, wani agi tagi navungô ma bei angufina.