Buzuk ka Abud’a 12:12 - Bible azumeina

¹² Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 12:12 Referans Kwoze

Ndumba 33:4

Ezipte-na a nga tos suma a vut avo’â pet suma Ma didina mi tchazi adigazina; Ma didina mi ka sariyad’a yam alo mazina mi.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Jeremi 43:13

Mba mi to ahle suma tchet suma Bet-Semes-sâ woi yam ambas sa Ezipte-d’a, mba mi ngal azì ma filei ma Ezipte-na woi kakud’a mi.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Sawal la giled’a 82:6

An dala: Agi nalona, agi ni Ma sä akulo ma kal teglesâ groma.

Sawal la giled’a 82:1

Ni sawal la gile d’a Asaf mi hlata. Alona mi nga tchola aduk tok ka ngol la sä akulod’a, nga mi ka sariyad’a aduk suma a nga yazi ala alona na.

Buzuk ka Abud’a 6:2

Alona mi de mi Moise kua ala: An ni Ma didina.

Amos 5:17

Ma didina mi dala: Fata an kal adigagid’a, suma a mba tchi horâ aduk asine ma guguzlu ma lara ge pet.

1 Sunda Hamuleinid’a 14:12

Filistê-na a ar filei mazina woi ata yi máma; David mi he vuna mi sum mama ala a ngalam mbeyo.

1 Samuel 5:3

Ndjivin nda suma Asdot-na a tchol akulod’a, a fe Dagon mi puk kä ki iram andaga avok zandu’â hi Ma didinina; azi hlum a tcholom akulo blangâma.

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.

Buzuk ka Abud’a 21:6

ata yi máma salama mi i ki sed’em avogon an Alona, mi im ata bap ma avun gongina d’oze ata agu ma avun gongina, mi tchom humam ki leleuna; magom máma mi arî kur sunda hi salamid’a ki iram fafat.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Sawal la giled’a 135:8

Ni ma tchi gro suma a vut avo’â hi Ezipte-na woi tin ad’ud’a ata suma gak mba yam d’uwarîna mi.

Jeremi 43:12

An mba ni do akud’a ata azì ma fileina hi Ezipte-na. Nebukanezar mba mi ngalazi woyo, mba mi i ki filei mazina magomba, mba mi zlup ambas sa Ezipte-d’a atam d’igi ma pola mi zlup baru mama atam na, mba mi nde woi kurut ki halasa.

Jeremi 46:25

Ma didin ma ad’engêm kal petna, Alona hi Israel-lîna, mi dala: Gola! An nga ni mba á ngop Amon alo ma Tebes-sâ, á ngop Faron ma Ezipte-na kalo mama teteng kamulei mama ki suma a tin huruzi kama mi.

Buzuk ka Abud’a 9:6

Tcha ndjivinda, Ma didina mi le na. D’uwarâ hi Ezipte-nina pet mi dap bod’a, wani d’uwarâ hi Israel-lîna tu pî mi mit nga d’i.

Sawal la giled’a 91:7

Le suma a tchuk kä geveng dubu, dudubu dogo ata bigang nga ndjufa pî, ang va mba mi lang ngi.

Sawal la giled’a 95:3

Kayam Ma didina nAlo ma ngolâ, mam mamul ma ngol ma yam alona petna.