Buzuk ka Abud’a 11:10 - Bible azumeina

¹⁰ Moise azi ki Aron a lahle suma ndandal ndazina avok Faron pet. Wani Ma didina mi b’al hur Faron kiki; mi ar nga Israel-lâ á buzuk kei abu kur ambas mamba d’i.

Buzuk ka Abud’a 11:10 Referans Kwoze

Buzuk ka Abud’a 4:21

Ma didina mi de mi Moise kua ala: Fata ang hulong Ezipte-d’a, ahle suma yoyou suma an hangzi abong wana, ang mba lazi avok Faron. Wani an mba ni b’alam hurumu, mam mba mi ar Israel-lâ á id’a d’i.

Buzuk ka Abud’a 10:27

Wani Ma didina mi b’al hur Faron kiki; Faron mi min arazi á id’a d’i.

Buzuk ka Abud’a 10:20

Ma didina mi b’al hur Faron kiki, mi ar nga Israel-lâ á id’a d’i.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

1 Samuel 6:6

Ni kayam me ba, agi b’alagi hurugi d’igi Faron ki mam suma Ezipte-na a b’al huruzi hina ge? Agi djib’eregiya, ni nana ba, Alo máma mi mbazi ndaka kazi gak a ar Israel-lâ a i ge?

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Buzuk ka Abud’a 7:3

Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba.

Buzuk ka Abud’a 9:12

Ma didina mi b’al hur Faron kiki, mi hum nga Moise azi ki Aron d’igi Ma didina mi dazi adjeu na d’i.

Buzuk ka Abud’a 12:1

Ma didina mi de mi Moise azi ki Aron kur ambas sa Ezipte-d’a ala:

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.

Isai 63:17

Ma didina, ni kayam me ba, ang arami ami vid’imi woi hina dei ki gat manga ge? Ni kayam me ba, ang b’alami hurumi hina kiki á lang mandarang nge? Ang hulongî yam azungeî mangâ, yam andjaf ma ang tum djonina mi.

Buzuk ka Abud’a 3:19

Mi dan kua ala: An wala amul ma Ezipte-na mba mi aragi á id’a d’i, wani ni kad’enga mbeî tua.