Buzuk ka Abud’a 1:14 - Bible azumeina

¹⁴ A mbud’uzi yima kaka irazi tchod’a ki sun nda aneka, nala, a tub’ok lubuna, a tchi derengelâ, a nga le sun nda asined’a mi. Ni hina ba, a tinizi sun nda anek ka lara ge pet kaziya, a nga wazi hohowozi d’i.

Buzuk ka Abud’a 1:14 Referans Kwoze

Sunda hi suma a sunuzinid’a 7:19

Amul máma mi le lem mba tchod’a ki simiyêya, mi le abuyoi ngolo ndaka ala a tchuk grozi suma gureina woi kayam a bo woyo.

Ndumba 20:15

Abuyomi ngolo a i Ezipte. Ami kagami kua bizad’a ablaud’a, wani Ezipte-na a lami tchod’a kabuyomi ngolo.

Buzuk ka Abud’a 6:9

Moise mi de zla ndata mi Israel-lâ hina, wani a humum nga d’i abo djop vuna ki ndaka hi magom mba a nga lazizid’a.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Sunda hi suma a sunuzinid’a 7:34

Gagazi, an we djop vuna hi man suma avo Ezipte-nina. An hum zam ta mazid’a, an tchugï asen kä á pad’azi woyo. Ki tchetchemba, ang mbeya, an sunung kur Ezipte.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

Sawal la giled’a 81:6

Wana ni vun ma he ma mi hum mi Josef simiyêma ata yima mi nde woi á dur ambas sa Ezipte-d’ina. An hum del la an humut nga yan tu d’uo d’a ala:

Nahum 3:14

Ang gul mbina yam bur ma a mba nguyungâ, ang min yi mang ma ad’eng ma ngunguna, ang kal kä aduk lubuna, ang tub’ok lubu ma ab’lorina, ang oî fürâ ki derengelâ.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

Isai 52:5

Ki tchetchemba, an le ni nana ge? A i wa sum mana magomba ni hawana. Suma a te kazi kad’engina a nga de zlad’a ki delezi akulo. Kur bur ma lara ge pet a nga lazan simiyênu.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Isai 14:6

Kur ayî mama mi to suma to d’a bei ara ba d’a, mi te yam andjaf suma kur ayî mama, mi nga mi i avogovok bei sa mi d’elem ba mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.

Wana ni mbaktum mba a b’irit yam Rut-ta 1:20

Ti dazi ala: Ar agi yan ala Naomi d’uo d’a, wani agi yan ala Mara, kayam nAlo ma ad’engêm kal petna ba, mi tinin hat hur ma ngolâ kanu.

Gat ta a hat á mbàd’id’a 26:6

Ezipte-na a kid’eyêi ireya, a djobi vuneya, a tini sun nda anek ka magomba kei mi.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Sunda hi suma hi Levi-nid’a 25:53

Mam mba mi kak avo hi salama kur biza d’a ara, ni d’igi sama le sunda yam beged’ina na. Salama mba mi te kam kad’enga avorogi d’i.

Sunda hi suma hi Levi-nid’a 25:46

Agi mba arazi djona mi grogi suma blogogina d’igi ahle mazina na, agi mba ngomoziya; azi mba arî magumei magina ki irazi fafat. Wani b’oziyogi suma Israel-lâ ar sa adigagi mi te yam wiyema kad’enga d’i.

Sunda hi suma hi Levi-nid’a 25:43

Ar ang te kam kad’enga d’i, wani ang lan mandaran an Alo mangâ.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 1:13

Ni kayam ndata ba, a tin Israel-lâ ata sun nda aneka d’igi magumeina na.

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Buzuk ka Abud’a 1:11

Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Buzuk ka Abud’a 1:15

Arop suma Hebre suma vud’aropma a nga mbà; d’a hid’a a yat ala Sifra, d’a hid’a a yat ala Puwa. Amul ma Ezipte-na mi dazi ala:

1 Amuleina 12:14

Mi ve ni d’alâ hazungeînina, mi de mi sum ndazina ala: Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Sawal la giled’a 129:1

Ni sawal la suma a djak Jerusalem á lü vun tilîna a hlata. Ar Israel-lâ a dala: Kazongôn dei man suma djangûna a lan ndaka burâ ki burâ.

Isai 10:24

Kayam ndata, Salad’a Ma didin ma ad’engêm kal petna mi dala: Agi man suma nga kaka kur Siyon-na, ar agi lagi mandara suma Asiri suma a nga togi ki totogod’a suma a nga hle tatagama kagi akulo d’igi Ezipte-na a ladjeu na na d’i.