Buzuk ka Abud’a 1:11 - Bible azumeina

¹¹ Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Buzuk ka Abud’a 1:11 Referans Kwoze

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Buzuk ka Abud’a 2:11

Kur atchogoi ndata, Moise mi djeng sana, mi i gen b’oziyoma á golozi kur sun mazi d’a ndaka. Mi we ma Ezipte-na nga mi to ma Hebre-na aduk b’oziyoma.

Ad’u Tinda 47:11

Josef mi kak abum azi ki b’oziyoma ata yima djivi ma kalâ kur andaga d’a Ezipte-d’a yam ambas sa Ramses-sa d’igi Faron mi hum vuna na. Josef mi hazi andaga ndata aboziya,

Sawal la giled’a 81:6

Wana ni vun ma he ma mi hum mi Josef simiyêma ata yima mi nde woi á dur ambas sa Ezipte-d’ina. An hum del la an humut nga yan tu d’uo d’a ala:

Gat ta a hat á mbàd’id’a 26:6

Ezipte-na a kid’eyêi ireya, a djobi vuneya, a tini sun nda anek ka magomba kei mi.

Ndumba 20:15

Abuyomi ngolo a i Ezipte. Ami kagami kua bizad’a ablaud’a, wani Ezipte-na a lami tchod’a kabuyomi ngolo.

Zla d’a d’ogolâ 27:4

Hur ma zala ni vama tchona, ayîna mi ni d’igi babar ma ngolâ na, wani yungôrâ, sa mi kus kam ni nge ge?

Sawal la giled’a 105:13

Azi nga i aduk andjaf ma hî, aduk andjaf ma hî, kur leu d’a hî, kur leu d’a hî mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.

2 Sunda Hamuleinid’a 8:4

Mi hulong mi min azì ma Tatmor ma hur fulîna zlapa kazì ma nglo ma mam minim yam andaga d’a Hamat-ta á ngom ahle mama kuana pet mi.

1 Amuleina 9:19

mi min azì ma lara ge pet ma a ngom ahle mama kuana kazì ma nglo ma a tchuk pus mam ma dur ayîna kuana kazì ma nglona hi suma djang akulumeinina mi. Mi min ahlena pet suma mi ngazi kurum á minda avo Jerusalem-ma kavo Liban-na, kur ambas sa mam te kata pet mi. Sun nda ad’enga Salomon mi lata:

Buzuk ka Abud’a 5:15

Suma gol sunda hi Israel-lîna a i ki tchina avok Faron, a dum ala: Ni kayam me ba, ang lami ami azungeî mangâ hina djeî ge?

Buzuk ka Abud’a 1:14

A mbud’uzi yima kaka irazi tchod’a ki sun nda aneka, nala, a tub’ok lubuna, a tchi derengelâ, a nga le sun nda asined’a mi. Ni hina ba, a tinizi sun nda anek ka lara ge pet kaziya, a nga wazi hohowozi d’i.

Buzuk ka Abud’a 5:10

Suma nglo suma yam suma ki suma gol sun ndazina a i de mi Israel-lâ ala: Faron mi dala: An nga ni hagi kuzad’a d’uo d’a.

2 Sunda Hamuleinid’a 16:4

Ben-Hadat mi ve zlad’a hi Asa-d’a, mi sun azigar mam suma nglo suma ad’engâ. A ngruf azì ma Israel-lâ durâ, a dur Ijon ki Dan ki Abel-Mayim kazì ma nglo ma Neftali ma a nga ngom ahlena kuana pet.

Sawal la giled’a 129:1

Ni sawal la suma a djak Jerusalem á lü vun tilîna a hlata. Ar Israel-lâ a dala: Kazongôn dei man suma djangûna a lan ndaka burâ ki burâ.

Buzuk ka Abud’a 5:8

Ar agi pad’agi derengel ma agi ngazizi kazi avo’â woi d’i, agi pad’agi va woi tu d’i, kayam azi ni suma azulomba. Ni kayam ndata ba, a nga tchiya, a nga dala: Ang arami ami i hami ahle suma ngat buzuna mAlo mamina ni na.

Sawal la giled’a 129:2

Kazongôn dei man suma djangûna a lan ndaka burâ ki burâ. Hina pet pî, azi kus nga kan ndi.