Amos 4:10 - Bible azumeina

¹⁰ An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Amos 4:10 Referans Kwoze

Gat ta a hat á mbàd’id’a 28:60

Ma didina mba mi mba ki tugud’ei d’a tcho d’a tchi mat ta Ezipte d’a agi zlagagi avorota; ti mba d’i arî b’ala kagi na.

Joel 2:20

An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

2 Amuleina 13:7

Wani azigarâ hi Jowahas-sâ a ar nga ngol li. Akulumeina a arî dok vahl, pus mazi ma dur ayîna mi arî dogo, azigar suma asemba a arî dudubud’a dogo mi, kayam amul ma Siri-na mi tchazi woi ngola, mi mbud’uzi ni d’igi vama suma a mired’em kä kasezina na.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Gat ta a hat á mbàd’id’a 7:15

Ma didina mba mi ngomogi woi abo tugud’ei d’a lara ge pet, mba mi kid’eyêgi iragi ki tugud’ei d’a tcho d’a tchi mat ta agi wad’ï avo Ezipte-d’a d’i, wani mam mba mi tumî ki suma a noyôgina.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

2 Amuleina 13:3

Kayam ndata, Ma didina hurum zal yam Israel-lâ, mi hazi abo Hazayel amul ma Siri-na. Bugola, mi hazi abo goroma Ben-Hadat bizad’a ablaud’a.

Gat ta a hat á mbàd’id’a 28:22

Ma didina mba mi tumugi ki tugud’ei d’a itna ki ta d’a kumura ki tugud’ei d’a hopma. Awu magina mba mi so woyo, mba mi tchora, tcheîd’a mba d’i tchum mbei mi. Ahle ndazina a mba lagi hina gagak agi mba dabagi woyo.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Buzuk ka Abud’a 8:19

An mba ni le vama simata á wal ir sum mana ki sum mangâ avini.

Jeremi 48:15

An amul ma simiyên ala Ma didin ma ad’engên kal petna na ni dala: Azì ma Mowap-ma, a nga b’lagam mbeyo, azì mam ma nglona nga mi d’us andosâ, azungeî mam suma gangrangâ, a nga izi ata yima ngata mi.

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 15:3

Ma didina mi dala: An mba ná ngobozi kahlena fid’i: A mba tchazi avun ayîna ki mbigeu d’a fiyaka, adureina a mba tanaziya, aluwei suma akulona kamburei suma abageina a mba kizagazi á b’lagazi woyo.

Jeremi 9:22

Ma didina mi de mi Jeremi kua ala: Ang dazi ala an dala: Matna mba mi sam kä d’igi siligitna mi sam kä abagei kur asinena na, d’igi mbugulud’a ti sam kä bugol sama zed’a ta sama yotna nga d’uo d’a na.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

2 Amuleina 10:32

Kur atchogoi ndata tata, Ma didina mi nde mi ka andaga d’a Israel-la woyo. Hazayel amul ma Siri-na nga mi dur ki Israel-lâ ir hagad’a pet.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 10:27

Wani Ma didina mi b’al hur Faron kiki; Faron mi min arazi á id’a d’i.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Buzuk ka Abud’a 9:17

Le ang d’el sum mana, le ang arazi a i nga d’uo ni,

Buzuk ka Abud’a 9:12

Ma didina mi b’al hur Faron kiki, mi hum nga Moise azi ki Aron d’igi Ma didina mi dazi adjeu na d’i.

Gat ta a hat á mbàd’id’a 28:21

Ma didina mba mi b’alagi tugud’ei d’a tcho d’a tchi matna kagi gak agi mba dabagi woi kur ambas sa agi i hlat á te kat wanda.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Isai 50:11

Gola! Agi pet suma vagi akud’ina, agi suma ganagi akud’a abogina, agi igi aduk aku d’a bibiliu d’a agi vata. Ahle ndazina a tcholï nabo an ba, a mba kagi wana, agi mba bogi ni kur ndaka na.

Jeremi 49:26

Ma didin ma ad’engêm kal petna mi dala: Kur bur máma azungeî mazina a mba puk kä ir palumba, mazi suma dur ayîna vunazi mba mi seng silil mi.

Isai 9:12

Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Wana ni mbaktumba hi Oze-d’a 11:5

Azi mba hulong Ezipte d’i, wani amul ma ngol ma Asiri-na mba mi tamula kaziya, kayam azi noî á hulongî gevenu.

Wana ni mbaktumba hi Aze-d’a 2:17

Ma didina mi de kua ala: An sogi awu magina woyo, an kizagagi awu magina woi ki mogoina, an tchagi awu magina woi mogod’a, an b’lak sun nda lara ge pet ta agi lat kabogid’a woyo. Hina pet pî, agi gid’iyêgï nga geven ndi.