Amos 3:7 - Bible azumeina

⁷ Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Amos 3:7 Referans Kwoze

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Ad’u Tinda 18:17

Ma didina mi de kurum ala: An ndak á ngei Abraham vama an luma zu?

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Ad’u Tinda 6:13

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Jeremi 23:22

Ladjï azi kak ata yi man ma de d’alâ ni, azi ndak á de zla man nda an data mi sum mana, azi ndak á hulongôzï woi kur tit mazi d’a tchod’a ki sun mazi d’a asa’at ta azi lata mi.

Vama ndum mbeina 1:19

Kayam ndata, ang b’ir ahle suma ang wazina, nala, ahle suma a nga na kahle suma a nga mbeï bugolâ mi.

Daniel 11:2

Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

2 Amuleina 22:13

Agi i djobogi Ma didina kan an ki suma Juda-na pet yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla d’a kur mbaktum mba wanda d’i, a le nga sunda yam zla d’a pet ta a b’irit kä keid’a d’uo mi d’a.

2 Amuleina 6:12

Ma dingâ tu aduk azigar mam suma nglona mi hulong dum ala: Salana, sama adigei ma mi hle zla mei d’a gumunda mi it mamul ma Israel-lîna nga d’i. Ni Elise ma djok vun Alona ma nga avo Israel-lâ ba, mi ndak á de zla d’a ang dat kur gong mang nga burîd’a woi mamul mama!

2 Amuleina 22:20

Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba. Ngol ma ngat buzuna ki ndrom suma a sunuzina a mba de zla ndata mamulâ hina.

Vama ndum mbeina 10:7

Wani bur ma malaika ma kid’iziyana mba mi bu adif mambina, ata yi máma, Alona mba mi ndak vun nga hur mam ma mudurina d’igi mi de mazungeî mam suma djok vuna na.

Ezekiyel 29:21

Kur bur máma an mba ni had’enga mi Israel-lâ, an mba ni malang vunang ngei adigazi á dazi zlad’a, kayam azi wala an ni Ma didina.

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

1 Samuel 9:15

Avok ka Samuel bei mba tua d’a, Ma didina mi tak Samuel woi yam mbad’a hi Saul-la, mi dum ala:

Isai 18:4

Kayam Ma didina mi dan ala: An nga ni mbut tan ndoze hle tan á gola b’enek ki, d’igi huwaka hafat ta b’o yinid’a na, d’igi d’ugul la ti ge mbad’ïd’a ata yima fet awunid’a na.