Amos 1:3 - Bible azumeina

³ Ma didina mi dala: Suma Damas-sâ a nga i avogovok kur tchod’a wan pî, an mba ni djok vunan yam zla d’a an data d’i. Kayam a miret suma Galät-na kä kasezi d’igi suma a to awuna ki toto d’a kaweina na.

Amos 1:3 Referans Kwoze

Amos 2:6

Ma didina mi dala: Israel-lâ a nga i avogovok kur tchod’a wan pî, an mba ni djok vunan yam zla d’a an data d’i. Azi gus suma d’ingêrâ woi yam kawei ma hapma, a gus ma houd’a woi yam atuguru ma ir tchuka tuna,

Amos 1:9

Ma didina mi dala: Suma Tir-râ a nga i avogovok kur tchod’a wan pî, an mba ni djok vunan yam zla d’a an data d’i. Kayam a yo suma magomba pet, a hazi mi suma Edom-ma bei djib’er yam bana d’a azi vata ba,

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,

Amos 2:1

Ma didina mi dala: Suma Mowap-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ngal asok amul ma Edom-ma woi á mbud’um butna,

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Amos 1:6

Ma didina mi dala: Suma Gaza-na a nga i avogovok kur tchod’a wan pî, an mba ni djok vunan yam zla d’a an data d’i. kayam azi yo suma magomba, a hazi mi suma Edom-ma,

Zakari 9:1

Wana ni zla d’a Ma didina mi ngop ki suma kur ambas sa Hadrak-kina, ti mba yam suma Damas-sâ mi. Kayam Ma didina iram nga tinda yam suma pet d’igi iram nga tinda yam Israel-lâ pet na mi.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Isai 41:15

Gola! An mba ni mbud’ugi kawei ma to awu ma sï ma awili ma vunam feta dedelema, agi mba wagagi ahuniyô suma nglona woyo, agi mba tozi woi kikizek, agi mba kizagagi yima ndingâ woi d’igi suma a kizak asuna woi na.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Ma tchi wala 11:2

Ang b’rau te mangâ mi suma ad’u kid’iziya d’oze ad’u klavandi, kayam ang we nga ndaka nga d’i mba yam andagad’id’a d’i.

Zla d’a d’ogolâ 6:16

Ahle suma karagaya d’oze kid’iziya suma Ma didina mi minizi d’uo suma mi golozi nahle suma ndjendjed’a irama ba wana:

Wana ni mbaktumba hi Job-pa 19:3

Wana ni yagi á dogo d’a ba, agi nga ngulunu! Ndak ka agi nga landji wanda, zulo nga mi lagi avun nduo zu?

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

2 Amuleina 13:7

Wani azigarâ hi Jowahas-sâ a ar nga ngol li. Akulumeina a arî dok vahl, pus mazi ma dur ayîna mi arî dogo, azigar suma asemba a arî dudubud’a dogo mi, kayam amul ma Siri-na mi tchazi woi ngola, mi mbud’uzi ni d’igi vama suma a mired’em kä kasezina na.

2 Amuleina 13:3

Kayam ndata, Ma didina hurum zal yam Israel-lâ, mi hazi abo Hazayel amul ma Siri-na. Bugola, mi hazi abo goroma Ben-Hadat bizad’a ablaud’a.

1 Amuleina 19:17

Suma a mba prut tei avun ayîna hi Hazayel-lâ, Jehu mba mi tchaziya; suma a prut tei avun ayîna hi Jehu-na, Elise mba mi tchazi mi.

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

Isai 7:16

Avok ka gor máma bei mi djeng mi noî tchod’a mi man djivid’id’a, leud’a hamulei suma mbà suma ang nga lazi mandarazi wana, mba d’i ar djona.

Isai 28:27

Sa nga mi to dilagauna ki kawei ma sina d’i, sa nga mi to dandigod’eid’a ki pus ma to awuna d’uo mi. Wani a po dilagauna ni ki totogod’a, a wak dandigod’eid’a ni ki mbigeud’a mi.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.