Ad’u Tinda 8:20 - Bible azumeina

²⁰ Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

Ad’u Tinda 8:20 Referans Kwoze

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Ad’u Tinda 22:9

Kid’a azi mbaza ata yima Alona mi dum kamid’a, Abraham i mi min yima ngal ahle suma ngat buzuna, mi ndja aguna kamu, mi djin goroma Isak, mi gum yam yi máma akulo yam aguna,

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Hebre-na 13:10

Ei nga ki yima ngal ahle suma ngat buzuna ma suma ngat buzu suma a nga le sunda kur zlub’ud’ina a ndak á te kua d’uo na.

Buzuk ka Abud’a 10:25

Moise mi hulong dum ala: Na ni ni ang tanga ba, mba hami ahle suma ngat buzuna kahle suma ngat buzu suma ngala á hamizi mi Ma didina Alo mamina zu?

Ad’u Tinda 35:7

Mi min yima ngal ahle suma ngat buzuna kua, mi yi yi máma ala El Betel, kayam ni kua ba, Alona mi nde tam mbei iram ata yima mam nga mi ring abo wiyemina.

Ad’u Tinda 35:1

Alona mi de mi Jakob ala: Ang tchola, ang i Betel, ang kak sä kua. Ang min yima ngal ahle suma ngat buzuna mi an Alo ma ni nde tan ndei irang ata yima ang nga ring abo wiyengâ Esau-na.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

Ad’u Tinda 26:25

Ata yi máma Isak mi min yima ngal ahle suma ngat buzuna kua, mi tchen ki simiyê Ma didina, mi ve zlub’u mamba kua; azungeî mama a ka golonga kua mi.

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 13:4

Nata yi mam ma mam min yima ngal ahle suma ngat buzuna kua avo’â ba, mi tchen ki simiyê Ma didina kua.

Ad’u Tinda 7:2

Ang yo ahle suma ari suma djivina kakap andjofâ kid’iziya, aropma kid’iziya, ang yo suma tchona mbàmbà mandjufâ katchad’a,

Ad’u Tinda 4:4

Abel mi mba ki gro tumiyô mam suma d’or suma vut avo’â, mi ngad’aziya, mi he hliu ma djivi ma kalâ he d’a hawad’a mi Ma didina. Ma didina hurum ve Abel ki he d’a hawa mamba,

Ad’u Tinda 22:2

Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Ad’u Tinda 8:19

Azureina, ambureina, ahle suma dram kä na, aluweina kahlena pet suma a nga tit yam andagad’ina, ad’u andjavazi ad’u andjavazi a buzuk kei kur batod’a pet.

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Ad’u Tinda 7:3

ang yo aluweina kakapa kid’iziya, mandjufâ katchad’a, kayam azi pet a zul andjavazi avogovok yam andagad’a pet.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Buzuk ka Abud’a 29:25

Ang hulong vazizi aboziya, ang ngalazi yam yima ngal ahle suma ngat buzuna akulo yam vama hum á ngala woi petna. Wana ni vama ngat buzu ma ngala avogon an Ma didina; ni vama his ma afufuî ma lan tan djivid’ina mi.