Ad’u Tinda 8:16 - Bible azumeina

¹⁶ Ang nde woi kur batod’a kamanga ki grongâ kamiyôzina.

Ad’u Tinda 8:16 Referans Kwoze

Ad’u Tinda 7:13

Kur bur máma Noe mi kal kur batod’a kamamba ki groma, nala, Sem, Ham ki Jafet kamiyôzina mi.

Sawal la giled’a 121:8

Ma didina mba mi ngomong kur i manga ki hulong manga mi, ki tchetchemba, gak didin mi.

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Sawal la giled’a 91:11

Kayam Ma didina mba mi he vuna mi malaika mama á ngomong ata yima lara ge pet ma ang tit kuana.

Josue 4:10

Suma ngat buzu suma a nga zi zandu’îna, a nga tchola hur alum ma Jurdê-na baba gak a lahlena pet suma Ma didina mi he vuna kazi mi Josue á dazi mi sumina d’igi Moise mi de mi Josue na mi. Israel-lâ a nde b’at tazi á djak aluma.

Josue 3:17

Suma ngat buzu suma a nga zi zandu’â hi Ma didinina a nga tchola hur alum ma Jurdê-na asezi sod’a tching tching. Israel-lâ pet a nga djak aluma kasezi sod’a, gak a dap djaka woi pet mi.

Ad’u Tinda 7:7

Noe mi kal kur batod’a kamamba ki groma kamiyôzina á sut tazi abo mbiyo ma nga mi kusâ.

Ad’u Tinda 7:1

Ma didina mi de mi Noe ala: Ang kal kur batod’a ki sum mangâ pet, kayam an wang angî sama d’ingêrâ avoron kur atchogoi d’a wanda.

Ad’u Tinda 8:15

Ata yi máma Alona mi de mi Noe ala:

Ad’u Tinda 8:17

Ang tchuk ahle suma ari suma a nga ki sed’engâ woi pet abua, nala, aluweina, azureina, ambureina, d’uwarâ kahle suma a dram kä na, kayam azi b’rau woi yam andagad’a, a zula.