Ad’u Tinda 6:8 - Bible azumeina

⁸ Wani Noe ni sama djivina avok Ma didina.

Ad’u Tinda 6:8 Referans Kwoze

Ad’u Tinda 19:19

Gola! An azong mangâ; ang wan hohowonu, ang lan djivid’a ngola heî, ang sud’un wa. Wani an ndak á tcha yam ahinad’a bei ndaka fan á tchan ndi.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

Wana ni Zla d’a Djivi d’a Luc mi b’irita 1:30

Wani malaikana mi dat ala: Marie, ndak le mandar ri, kayam Alona mi vak wa sumad’a.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Zla d’a d’ogolâ 3:4

Alona ki suma a mba yorongû, ang mba kak ki halasa ki sed’ezi mi.

Sawal la giled’a 145:20

Ma didina nga mi ngom suma a nga le kama pet, nga mi b’lak suma asa’atna woi pet mi.

Romê-na 4:4

Wani sama le sunda nga mi fe wurak mamba; a nga ndumum wurak mam ndata d’igi he d’a hawad’a na d’i, wani ni d’igi wurak mamba na.

Sunda hi suma a sunuzinid’a 7:46

Mam mi ma Alona mi vum sumad’a, mi tchenem á fe yima min gong nga kaka mAlona hi Jakob-ma.

Zla d’a d’ogolâ 12:2

Sama djivina, Ma didina nga mi wum hohowomu, wani Ma didina nga mi ka sariyad’a yam sama mi nga ki djib’er ra tchod’a kuruma.

2 Pierre 2:5

Alona mi ar nga duniya d’a adjeud’a hawa d’i, wani mi sut ni Noe ma tchi wal la d’ingêrîna ki suma kid’iziyana hol ata yima mi kus mbina yam suma tcho suma kur duniya ndatina.

Zla d’a d’ogolâ 8:35

Kayam sama fana mi fe narid’a, Ma didina mba mi wum hohowom mi.

Jeremi 31:2

Ma didina mi dala: An we hohowa suma a sut tei avun ayînina abagei hur fulâ. Israel-lâ a nga i ata yi mazi ma tuk tad’a.

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Matiye 24:37

Wani mbad’a hi an Gor Sanid’a mba d’i le ni d’igi burâ hi Noe-na na mi.

Wana ni Zla d’a Djivi d’a Luc mi b’irita 17:26

Ahle suma a le kur atchogoid’a hi Noe-d’ina a mba le kur burâ hi an Gor Sanina hina mi.

1 Pierre 3:20

Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.