Ad’u Tinda 6:16 - Bible azumeina

¹⁶ Ang le fenetred’a kä ad’u azid’a yam batod’a adigazi ki d’a akulod’a go ki nus metred’a, ang ar vun ma kala huyok batod’a, ang minit akulo yam ndrata hurut hindi.

Ad’u Tinda 6:16 Referans Kwoze

Ezekiyel 41:16

Yima a kal ki kur gong nga kud’ora hAlonid’ina, zlapa ki hur gong nga ngola ki hur gong nga azuta ki hur gongîyo suma a minizi akulo yam tazi hindi hindi suma a ngui gong nga kud’ora hAlonid’ina, a gaguna gulumuna kazi ei kä ad’u dei gak i ata fenetre d’a akulod’a. A duk fenetred’a woi kagu ma bebed’ena mi.

Ad’u Tinda 8:6

Kid’a bur ma dok fid’ina ndaka, Noe mi mal fenetre d’a mam minit ata batod’id’a woyo.

Ad’u Tinda 7:16

d’igi Alona mi hum vuna na. Bugola, Ma didina mi dugum vuna kamu.

Wana ni Zla d’a Djivi d’a Luc mi b’irita 13:25

Fata samazina mi tchol wa, mi duk wa vun gonga ni, agi mba tchologi abua, agi mba ndagi tum vun gonga, agi mba dagi ala: Salamina, ang malami vuna. Mam mba mi hulong dagi ala: An we nga yima agi tchologï kuana d’i.

Ezekiyel 42:3

Abot ma tuna mi ni ir yima kal ma bubuwamî metred’a dogo ma ngui gong nga kud’ora hAlonid’ina. Abot ma dingâ mi ni ir atrang nga abud’a. Gong ndata ti nga ki hur gongîyona ablaud’a suma a minizi akulo yam tazi hindi hindi na.

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

Ad’u Tinda 6:15

Ang lat fiyagat metred’a kis yam dok vahl, bubuwat metred’a dok mbà yam vahl, fiyagat ta akulod’a metred’a dogo yam vahl mi.

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,