Ad’u Tinda 50:21 - Bible azumeina

²¹ Kayam ndata, agi lagi mandar ri. An mba ni hagi ahle suma kid’agagina, an mba ni hazi mi grogina mi. Mi b’lengêzi huruziya, mi dazi zla d’a djivid’a mi.

Ad’u Tinda 50:21 Referans Kwoze

Ad’u Tinda 47:12

mi he tena mabum azi ki b’oziyoma ki suma avo hatama yam grozi suma gureina pet mi.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

Matiye 6:14

Le agi vad’agi hurugi woi yam tcho d’a suma a nga lagizid’a ni, Abugi ma sä akulona mba mi vat hurum mbei yam tcho magid’a mi.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Ad’u Tinda 34:3

Mi tin hurum pet kad’u, hurum vad’u, mi dat zla d’a kurumba pet.

Ad’u Tinda 50:22

Josef mi kak kur ambas sa Ezipte-d’a ki suma avo habuma pet, mi le bizad’a kis kam dogo.

Suma ka sariyad’a 19:3

Ndjuvut mi yo korona mbà, mi i atat kazong mama á b’lengêt hurut á hulongôd’ïya. Ndat ti kalazi avo habud’u. Ata yima atcha ndata abut mi wuma, mi vum atam ki furîd’a.

Ad’u Tinda 45:5

Ki tchetchemba, agi djib’eregi ngol luo, agi had’agi hurugi d’ala agi guzun ndei ka hî d’a d’i. Wani nAlona ba, mi sununï avorogi ka hî á sud’ugiya.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.