Ad’u Tinda 50:17 - Bible azumeina

¹⁷ Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.

Ad’u Tinda 50:17 Referans Kwoze

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Sawal la giled’a 21:11

Ang mba dabazi grozina tchid’a woi yam andagad’a, ang mba dabazi andjavazi tchid’a woi aduk suma mi.

Ad’u Tinda 49:25

NAlona hi an abungâ ba, mba mi ndjunungû, Alo ma ad’engêm kal petna, mi b’e vunam kangû, mi b’e vunam kang ki mbiyo ma akulona, mi b’e vunam kang ki mbiyo ma kä ad’u andagad’ina mi, mi b’e vunam kang ki grona ki d’uwarâ mi.

Ad’u Tinda 45:8

Ni agi ba, sununï ka hî d’i, wani nAlona ba, mi mbud’un ma sun ma ngolâ hi Faron-na, mi tinin á te yam suma avo hatama, á te yam Ezipte-na pet mi.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

Galat-na 6:16

Wani suma pet suma a nga tit kur lovot ndatina, b’leng nga halasa ki we hohoud’a hAlonid’a a mba kak kaziya, nala, yam Israel ma gagazina hAlonina.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

Marik 10:41

Ata yima suma hat suma dogona a hum hina na, huruzi mi zal yam Jacques azi ki Jean.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 18:35

Jesus mi de kua ala: Le nge nge pî adigagi mi vat nga hurum mbei yam wiyema d’uo ni, Abun ma sä akulona mba mi vat hurum mbei kam mbuo mi.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Matiye 6:12

Ar ang vat hurung ngei yam tcho mamid’a d’igi ami nga vad’ami hurumi woi yam suma a nga lami tchod’ina na mi.

Ad’u Tinda 50:20

Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na.

Ad’u Tinda 31:42

Ladjï Alona habuna Alona habun ngolo Abraham ma abun Isak lum mandarama mi nga ki sed’en nduo ni, ang aran an i nabon hawa. Wani Alona mi wan ndak manda ki sun nda an lat kabonda, mi kan sariya manda kama andjege.

Ad’u Tinda 50:16

Azi sun gen Josef, a dum ala: Kid’a Iba bei matnid’a, mi hami vuna ala:

Ad’u Tinda 50:18

Ata yi máma b’oziyoma tazid’a a mba gevemu, a grif kä avoromu, a dum ala: Ami azungeî mangâ wana.