Ad’u Tinda 49:6 - Bible azumeina

⁶ An min ndjak vunan ki sed’ezi kur tok mazi d’a gumunda d’i, an min ndjunuzi kur tok mazid’a d’i. Kayam kur hur mazi ma zala azi tchi suma, kur asa’at mazid’a azi ka amuzleina gigilangâziya.

Ad’u Tinda 49:6 Referans Kwoze

Ad’u Tinda 34:30

Jakob mi de mi Simeon azi ki Levi ala: Agi b’lagan wa, agi mbud’un wa ndjendjed’a avok suma yam andaga d’a wandina, suma Kanan-na ki suma Peris-sâ. An nga ki suma ngol luo; azi mba tok taziya, a mba durunu, a mba tchan ndei ki sum meina mi.

Sawal la giled’a 26:9

Ang hlan muzugan zlapa ki suma le tchod’a d’i, ang tchan zlapa ki suma tchi matna d’uo mi.

Sawal la giled’a 16:9

Ni kayam ndata ba, hurun oî ki furîd’a, tan nga lan djivid’a, tan tuk halas mi.

2 Korente-na 6:14

Ar agi zlabagi darigïd’a ki suma bei he gagazid’ina d’i. Na ni d’ingêra ti le darigïd’a ki tchod’a zu? D’oze, b’od’a ti ndak á zlap tu ki nduvunda zu?

Wana ni Zla d’a Djivi d’a Luc mi b’irita 12:19

An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Sawal la giled’a 64:2

Alo mana, an nga ni tchi kangû, ang humunu, ang ngomon abo suma djangû suma an nga ni lazi mandarazina.

Sawal la giled’a 57:8

Iran ndi d’igil wa, Alo mana, iran ndi d’igil wa, an mba ni hle sawala, an mba ni gileng mi.

Zla d’a d’ogolâ 12:5

Djib’era hi suma d’ingêrîd’a ni djib’er ra irata, wani sunda hi suma asa’atnid’a ni zla d’a kad’a.

Zla d’a d’ogolâ 1:11

Ata yima a dang ala: Ang mbeï i ki sed’emi ei i buri suma kä á tchaziya, ei i ndei suma bei zlad’a kazina ayîna,

Sawal la giled’a 139:19

Alo mana, an min ala ang tchi suma asa’atna woi mbeî! Agi suma tchi matna, agi hud’ugi sä woi dei gevenu!

Sawal la giled’a 103:1

Wana ni sawal la gile d’a David mi hlata. An min gile ni Ma didina, an min gile Alo man ma bei tchod’ina ki hurun pet.

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 42:5

Wani an nga ki djib’era ki hur ma hata ata yima an nga ni i adjeu ki suma ablaud’a kur gonga hAlonid’a kur bur ma vun tilâ á suburum á lum mersina.

Sawal la giled’a 30:12

Ang mbud’un wa tchi mana sanda, ang fogon wa dodor manda woyo, ang tchugun wa baru d’a vun tilâ atanu,

Sawal la giled’a 28:3

Ang zlaban doglod’a ki suma asa’at suma a le sunda tchod’ina d’i. Azi ni suma a nga de zla d’a djivid’a mi ndrozina ki vunazina, wani huruzi ma krovona ni oîd’a kasa’ata.

Sawal la giled’a 5:10

Zla d’a ti irata nga avunazi d’i; huruzi oîd’a ni ki murud’umba; horzlom delezi ni d’igi asu d’a vunat nga mala woid’a na; sinazi afefeta á lop suma.

Sawal la giled’a 1:1

Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Suma ka sariyad’a 5:21

Toliyon nda Kison nda dedeid’a, ti tor suma djangûna woyo. An nga ni miret suma gangrangâ kä kasenu!

Gat ta a hat á mbàd’id’a 27:24

Sama mi tchi ndrama gumuna, Ma didina mi gum vuna! Ablau suma petna a hulong ded’a ala: Amin!

Josue 11:9

Josue mi le ki sed’ezi d’igi Ma didina mi hum vuna na. Mi ka gigling akulumei mazina, mi ngalazi pus mazi ma dur ayîna woi mi.

2 Samuel 8:4

Mi yo suma djang akulumei mama 1700, mi yo suma asemba 20.000, mi ka gigling akulumei suma a arâ woi pet Mi ar akulumeina ndak yam pusâ kis.

1 Sunda Hamuleinid’a 18:4

Mi yo pus ma dur ayîna 1000, suma djang akulumeina 7000, suma asemba 20.000, mi ka gigling akulumei suma a arâ woi pet, mi ar akulumeina ndak yam pusâ kis.