Ad’u Tinda 49:27 - Bible azumeina

²⁷ Benjamin ni ngû ma ayîna, yorogod’a mam mut vama mam vumina, fladeged’a nga mi b’rau vama mam vumina.

Ad’u Tinda 49:27 Referans Kwoze

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Suma ka sariyad’a 20:25

Kur bur máma suma hi Benjamin-na a buzugï woi avo Gibeya á ngavaziya, a tchi Israel suma nga ki mbigeu d’a fiyakina kua 18.000.

Suma ka sariyad’a 20:21

Suma hi Benjamin-na a buzugï woi avo Gibeya, a tchi Israel-lâ kur bur máma 22.000.

Ad’u Tinda 46:21

Benjamin groma ni Bela, Beker, Asbel, Gera, Näman, Ehi, Ros, Mupim, Hupim ki Arde.

Ad’u Tinda 35:18

Ata yima ndat ar go á matnid’a, ti yum ala Benoni, wani abum mi yum ala Benjamin.

Filip-ma 3:5

A vud’un an le burâ klavandi a ngad’an bayâd’a, an ni gor vuta hi Israel-lîd’a, an nandjafâ hi Benjamin-na, an ni gor vuta hi Hebre-nid’a. Yam zla d’a ngom gata hi Juif-fîd’a, an ni ma Fariziyêna.

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

Sunda hi suma a sunuzinid’a 9:1

Wani Saul nga mi gurut ki ngopa ndandaleî á tchi suma hata hi Salad’ina. Mi i gen ma ngol ma ngat buzuna,

Sunda hi suma a sunuzinid’a 8:3

Wani Saul mi pleî suma toka woi ndjandjap. Mi nga mi kal kur azì ma lara ge pet, nga mi yo andjofâ karopma, nga mi tchuguzi dangeina.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Gat ta a hat á mbàd’id’a 33:12

Mi de yam andjafâ hi Benjamin-na ala: Andjafâ hi Benjamin-na nandjaf ma Ma didina mi le kam heîna. Ar mi kak ki halasa gen Ma didina. Mi ngomom burâ ki burâ, mi kak pepelem adigazi mi.

Ndumba 23:24

Gola! Ni suma a nga tchol akulo d’igi azlod’a na, d’igi azlona mi djiger tam akulo na na. Nga mi bur kä d’i gak mi kizak vama mam vuma, gak mi tche buzuwa vama mam vuma tua mi.

Ad’u Tinda 49:26

B’e vun ma an b’angzi kangâ, mi kal b’e vuna habuyona, mba mi kak didin d’igi ahuniyô suma a nga adjeu dei gak didina na. Ar b’e vun máma pet mi kak yam Josef, yam ma an tinim iram vam aduk b’oziyomina.

Ad’u Tinda 49:28

Wana nandjafâ hi Israel ma dogo yam mbàna, wana ni zla d’a abuzi mi dazizid’a. Abuzi mi b’e vunam kazi tutu pet, nge nge pî, mi b’e vunam kamu.

Ndumba 34:21

Ma ad’u andjafâ hi Benjamin-nina ni Elidat Kislon goroma;