Ad’u Tinda 49:15 - Bible azumeina

¹⁵ Mi wala yi máma ni yima djivi ma tuk tad’a, nandaga d’a djivid’a heî, mi tin nga domndjolom á zi ahle suma ane’â, mi ge yam kä á le sun nda magomba.

Ad’u Tinda 49:15 Referans Kwoze

Matiye 23:4

Azi djin ahle suma aneka heîna, a tinizi kel suma, wani azi tazid’a a min dozi ki tchitchid’azi d’i.

Ezekiyel 29:18

Ang gor sana, Nebukanezar amul ma Babilon-na mi le sun nda ndaka mi azigar mama, a dur suma Tir-râ, yazi d’i dap tora woi pepet, hîhîngâzi mi dap foka woi pepet. Wani mam mboze azigar mama a fe nga wurak yam dur ma azi dur ki suma Tir-rîna d’i.

Sawal la giled’a 81:6

Wana ni vun ma he ma mi hum mi Josef simiyêma ata yima mi nde woi á dur ambas sa Ezipte-d’ina. An hum del la an humut nga yan tu d’uo d’a ala:

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

Suma ka sariyad’a 3:11

Ambasa ti kak ki halasa gak bizad’a dok fid’i. Bugola, Otniyel Kenas goroma mi mid’a.

Josue 14:15

Azì ma Hebron-na a yum adjeu ala Kiriyat-Arba; Arba ni sama ngolâ aduk suma Ana’â. Nata yi máma ba, ambasa kak ki halasa bei dur ayîna.

Ad’u Tinda 49:14

Isakar ni d’igi koro ma ad’engâ na, mi nga burâ kä aduk kangâna hi d’uwarîna mbà.

Ad’u Tinda 49:16

Dan mba mi bak zlad’a aduk sum mama d’igi andjaf an Israel ma dingâ tu na mi.

Zla d’a d’ogolâ 12:24

Suma a nga le sunda akud’a kekengâ, a mba te yam suma, wani suma a nga le sunda ndjondjôna a mba ka’î magumeina hi sumina mi.

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.