Ad’u Tinda 49:11 - Bible azumeina

¹¹ Ni ma koro mama nga djinda ata guguzlud’ina; gor koro mama nga djinda ata abuwatna. Mi nga mi mbus baru mama kä aduk süm guguzlud’a, mi nga mi mbus baru mam mba ngola kä aduk mbiyo vut guguzlu d’a hleud’a d’igi buzuna na d’a.

Ad’u Tinda 49:11 Referans Kwoze

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Vama ndum mbeina 19:18

á te hliu amuleina ki ma hi nglod’a hi azigarîd’a ki ma hi azigarîna ki ma hakulumeinina ki ma hi suma a nga kazina ki ma hi sumina ki ma hi magumeinina ki ma hi gro vutina ki ma hi suma nglonina ki ma hi gugureinina mi.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

1 Amuleina 4:25

Kid’a Salomon mi nga ki iramba, suma Juda-na ki Israel-lâ a kak ki halasa ata yi máma, nge nge pî nga mi zum guguzlu mamba ki tulum mama ki halasa abo hî abo hî kur ambasa pet.

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

2 Amuleina 18:32

Agi kagagi hina djang, gak an mba ni yogi ni igi kur andaga d’a d’igi magid’a na d’a, kur andaga d’a geme ma lavungôna kat heîd’a ki guguzlu d’a le süma ki olif ma yor mbulâ ki mbul ayuma a nga kat mi d’a. Ar agi bogi ka hî d’i, agi mba kagagi ki arid’a sä hî. Ar agi humugi zlad’a hi Ezekiyas-sa d’i, kayam nga mi dagi ala Ma didina mba mi sud’ugiya, wani mi vid’igi ni woyo.

Vama ndum mbeina 14:20

A miret guguzlu ndata woi bugol azina. Buzuna ndeï djangâ woi ata yima a miret guguzlud’a kua na, mi djang i kilometred’a kikis hindi, yiyik mamba ni d’igi metred’a tu ki nusâ na.

Ad’u Tinda 49:12

Iram mba d’i mbut hleud’a abo süm guguzlud’a; siyam mba mi mbut hapa abo ambira.

Gat ta a hat á mbàd’id’a 8:7

Moise mi dazi kua ala: Ma didina Alo magina nga mi kalagi kur ambas sa djivi d’a toliyon nda nga d’i djang kuad’a, d’a golongeî suma laud’a a nga kuad’a, d’a mbiyo ma ad’u andagad’a kä na nga mi sulul lei kur hora akulo yam ahuniyôna mi d’a.

Gat ta a hat á mbàd’id’a 8:8

Nambas sa wul gemena, awu orsâ, guguzlud’a, tuluma kagu grenatna. Nambas sa mbul olifâ ki mbul ayuma a nga kuad’a.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.

Amos 9:13

Ma didina mi dala: Burâ nga mi mba, kur bur máma ma zuma mba mi tes ma zed’a ped’et, ma miret guguzlud’a mba mi tes ma zarat kä na ped’et mi. Süm guguzlu d’a awilid’a mba d’i djangî akulo yam ahuniyôna gak mi hle yam yima ndingâ woi pepet.

Vama ndum mbeina 7:7

a ka suma ad’u andjafâ hi Simeon-na geuna dudubud’a dogo yam dudubud’a mbà, a ka suma ad’u andjafâ hi Levi-na geuna dudubud’a dogo yam dudubud’a mbà, a ka suma ad’u andjafâ hi Isakar-râ geuna dudubud’a dogo yam dudubud’a mbà,