Ad’u Tinda 48:19 - Bible azumeina

¹⁹ Wani abum mi noyâ, mi dum ala: An we, gorona, an we. Manase andjavam mba mi zul mi, mba mi mbut ngola mi. Wani wiyem ma gorâ mba mi mbut ngola kalamu, andjavam mba mi zul andjaf suma ablaud’a.

Ad’u Tinda 48:19 Referans Kwoze

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.

Ad’u Tinda 25:28

Isak mi le yam Esau, kayam mam nga mi te hliu ma Esau tchumzina. Wani Rebeka ti le ni yam Jakob.

Vama ndum mbeina 7:8

a ka suma ad’u andjafâ hi Zabulon-na geuna dudubud’a dogo yam dudubud’a mbà, a ka suma ad’u andjafâ hi Josef-fâ geuna dudubud’a dogo yam dudubud’a mbà, a ka suma ad’u andjafâ hi Benjamin-na geuna dudubud’a dogo yam dudubud’a mbà mi.

Vama ndum mbeina 7:6

a ka suma ad’u andjafâ hi Aser-râ geuna dudubud’a dogo yam dudubud’a mbà, a ka suma ad’u andjafâ hi Neftali-na geuna dudubud’a dogo yam dudubud’a mbà, a ka suma ad’u andjafâ hi Manase-na geuna dudubud’a dogo yam dudubud’a mbà,

Ezekiyel 27:10

Suma Perse-na ki suma Lut-na ki suma Put-na, azi ni azigar mangâ, a nandjuvei mang suma dur ayîna, a gap mbareid’a ki djumba akulo kurungû, ni azi ba, a nga suburungû.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Gat ta a hat á mbàd’id’a 1:10

Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na.

Ad’u Tinda 48:14

Israel mi vrak abom kaziya, mi mat abom ma ndjufâ, mi tinim yam Efraim ma gorâ, mi tin abom ma gulana yam Manase; Manase ni ma ngolâ wan pî, mam wäd’u abom ma mi vragam kazina.

Ad’u Tinda 17:4

Wana ni vun ma djin ma an djinim ki sed’engâ: Ang mba mbut nandjaf suma ablauna abuziya.

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Ad’u Tinda 46:3

Alona mi dum ala: An ni Alona, Alona habungâ; ang le mandarâ á i Ezipte d’i, kayam an mba ni zulung andjavang ngola sä hî.

Ad’u Tinda 48:18

mi de mabum ala: Iba, nga hina d’i, kayam ihî ni ma ngolâ; ang tin abong ma ndjufâ kamu.

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.