Ad’u Tinda 48:12 - Bible azumeina

¹² Josef mi yozi woi aduk abumu, mi grif kä andaga avoromu.

Ad’u Tinda 48:12 Referans Kwoze

Ad’u Tinda 42:6

Josef ni sama yam andaga d’a Ezipte-d’a aboma, mi nga mi gus awuna woi abo suma ding suma a mba kur ambas ndatina. Josef b’oziyoma a mba go, a grif kä avoromu, a tchok yazi kä andaga.

Efes-sâ 6:1

Agi gugureina, vama djivina avok Salad’a, agi humugi vun simiyêgiya.

Zla d’a d’ogolâ 31:28

Grotna a nga tchol a nga suburud’u, ndjuvut nga mi gilet ala:

2 Amuleina 4:37

Ti mba, ti ge tat kä avoromu, ti grif kä andaga, ti ve gorotna, ti iya.

1 Amuleina 2:19

Ndat i gen amulâ Salomon á dum zla d’a djivid’a yam Adoniya. Amulâ mi tchol lei akulo á ngavad’u, mi grif kä avorod’u. Bugola, mi hulong mi kak akulo yam zlam mam mba amula. Azong mama mi tin zlam mba dinga yam bigam mba ndjufa; asum ti kak kua.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Buzuk ka Abud’a 34:8

Moise mi grif kä atogo zak, mi kud’or Ma didina.

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Ad’u Tinda 33:3

Mam tamba mi kal avoroziya, mi grif kä, andaga grigrif yam kid’iziya tua ba, mi fe wiyema.

Ad’u Tinda 23:7

Abraham mi tchola, mi grif kä avok suma Het suma andagad’a,

Ad’u Tinda 19:1

Ki fladeged’a malaika suma mbà ndazina a mba Sodom. Lot mi nga kaka kä avun azì ma Sodom-ma. Kid’a mi wazid’a, mi tchol mi d’uguloziya, mi grif kä, mi tchok yam kä andaga avoroziya,

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 48:11

mi de mi Josef ala: An djib’er adjeu ala an mba ni wang irang ngi. Gola! Alona mi ndjunun gak an we wa andjavang tamba.

Ad’u Tinda 48:13

Bugola, mi yo grom suma mbàna aboziya, Efraim ata abom ma ndjufâ nabo ma gulana hi Israel-lâ, Manase ata abom ma gulana nabo ma ndjufâ hi Israel-lâ, mi hud’uzi gen abuzi ngolo.