Ad’u Tinda 47:29 - Bible azumeina

²⁹ Kid’a Israel mi ar go á matnid’a, mi yi goroma Josef, mi dum ala: Le ang hurung vanu ni, an nga ni tchenengû, ang kal abong ad’u ab’alan kä, ang le djivid’a ki sed’en ki d’engzenga, ang tozon ka hî Ezipte d’i.

Ad’u Tinda 47:29 Referans Kwoze

Gat ta a hat á mbàd’id’a 31:14

Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a. Moise azi ki Josue djak a i tchol kur zlub’u d’a ngaf tad’a.

Ad’u Tinda 24:49

Wani ki tchetchemba, le agi min tagagi djivi magid’a ki d’ingêr magid’a mi salana Abraham-mu ni, agi danu. Le d’uo ni, agi danu; an i iran abo ma ndjuf foze abo ma gulana.

Ad’u Tinda 24:2

Bur tu Abraham mi de mazong mam ma bizam ngola ma avo hatam ma te yam suma avo hatama petna ala: Ang tin abong ad’u ab’alan kä,

1 Amuleina 2:1

Kid’a David wala mam ar go á matna d’a, mi gat goroma Salomon, mi dum ala:

Hebre-na 11:22

Ni yam he gagazid’a ba, ata yima Josef ar go á matnina, mi de zla d’a yam buzuka hi Israel-lâ woi kur Ezipte-d’a, mi hazi vuna yam asogom mi.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Sawal la giled’a 89:48

Ang djib’er yam burunu, mi ni gid’enga, sana mi we d’uo ni d’igi ang le suma ná bad’a woi hawa na.

Sawal la giled’a 49:9

Kayam gusa hi sanid’a ti kal ngola heî; sana mi ndak á fe va á gus tam mbi.

Sawal la giled’a 49:7

Azi tin huruzi ni yam ndjondjoî mazid’a, azi subur tazi ni yam djivi mazid’a go.

Sawal la giled’a 6:5

Ma didina, ang hulongî prud’un ndeyo, ang sud’un ndei yam we hohou manga.

Wana ni mbaktumba hi Job-pa 30:23

An wala ang mba in kur matna ata yima suma arina a mba i kuana.

Wana ni mbaktumba hi Job-pa 14:14

ladjï sana mi mit mi hulong mi kak karid’a ni, an mba ni djup bur man ma sunda gak bur ma ang mba á hulongôn blangânina!

Wana ni mbaktumba hi Job-pa 7:1

Job mi de kua ala: Kaka hi sana d’a yam andagad’id’a ni d’igi kaka hi azigarîd’a na d’uo zu? Burumî d’igi sama le sunda yam beged’ina na mi d’uo zu?

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Ad’u Tinda 27:2

Isak mi dum ala: An mbut ni mamara, an we nga burun ma matna d’i.

Ad’u Tinda 50:5

Ata yima abun ar go á matnina, mi gunun ala mi mit ni mid’a; an i tozomî kur zul la mi djugud’ot sä kur ambas sa Kanan-ndid’a. Ki tchetchemba, an min ala an i ni tos abun tos ba, an hulongî tua.

1 Samuel 26:10

Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.

2 Samuel 2:32

A hleï Asayel, a tozom kur zula habumba avo Betelehem. Jowap azi ki sum mama a tit andjege gak a mba Hebron yina foziya.

Ad’u Tinda 48:21

Israel mi de mi Josef ala: Gola! An nga ni mid’a, wani Alona mba mi kak ki sed’egiya, mba mi hulongôgi yam ambasa habuyogi ngolod’a.

Ad’u Tinda 50:12

Jakob groma a le d’igi mam hazi vuna na.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

Josue 2:14

Sum ndazina a dat ala: Le ndak dami nga zlami woi d’uo ni, ami arami go á hami tami kagiya. Fata Ma didina mi hami ambasid’a, ami mba lak djivid’a ki d’engzenga mi.

Josue 23:14

Gola! An nga ni mit ni mid’a. Agi wagi woi tetet ki hurugi pet ki tagi pet ala ahle suma djivi suma Ma didina Alo magina mi hlagi vunam kazina pet a ndak wa; ma tu ma mi ar kä ma bei mam ndagam vunama nga d’i.