Ad’u Tinda 47:19 - Bible azumeina

¹⁹ Ni kayam me ba, ang arami ami bomi woi atang ki siliu mamid’a ge? Ang guzumi ki siliu mamid’a, ang hami tena. Ami mbud’umi magumeina hi Faron-na, siliu mamid’a ti mbut ni d’a hi Faron-nda mi. Ang hami tena kayam ami bomi woi d’i, ang hami andjafâ kayam siliu mamid’a b’lak ki.

Ad’u Tinda 47:19 Referans Kwoze

Wana ni mbaktumba hi Job-pa 2:4

Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu.

Hor ma tchina 5:9

Ami hami ni tami woi avun matna tua ba, ami fami ki te mamina kayam suma tcho suma tchi matna a nga abagei hur fulâ.

Hor ma tchina 5:6

Ami nga mad’ami abomi mi suma Ezipte-na ki suma Asiri-na á hami te ma ndagamina.

Hor ma tchina 1:11

Sum matna a nga zam taziya, a nga hal tena, a hahle mazi suma djivi suma azi nga ki na woi yam tena á ndjun ari mazid’a. Ma didina, ang gola! An mbut wa hohoud’a.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Ad’u Tinda 47:15

Ata yima bege d’a Ezipte-d’a ki d’a Kanan-nda dapma, Ezipte-na pet a mba gen Josef, a dum ala: Ang hami tena. Ni kayam me ba, ami bomi woi atang yam zlad’a hi beged’a ge?

Ad’u Tinda 47:18

Tcha damad’a azi hulong gen Josef, a dum ala: Salamina, ami ndak á ngeyeng va d’i, kayam beged’a daba, d’uwar ma kur kangâ maminina arî mangâ. Salamina, hliwimi ar abong ihî ni mam ki siliu mamid’a.

Ad’u Tinda 47:20

Josef mi gus siliu d’a Ezipte-d’a pet mi Faron, kayam ma Ezipte ma lara pî, mi gus asinem mbei abo baktara d’a nde kazi ngolid’a. Hina andaga d’a Ezipte-d’a pet ti mbut ni d’a hi Faron-nda.

Ad’u Tinda 41:36

Hina wani, ei mba fei tena yam ambas sa Ezipte-d’a kur biza d’a kid’iziya d’a baktarad’a nga d’i mbad’a. Hina wani, baktarad’a mba d’i tchi suma kur ambasina woi d’i.