Ad’u Tinda 47:11 - Bible azumeina

¹¹ Josef mi kak abum azi ki b’oziyoma ata yima djivi ma kalâ kur andaga d’a Ezipte-d’a yam ambas sa Ramses-sa d’igi Faron mi hum vuna na. Josef mi hazi andaga ndata aboziya,

Ad’u Tinda 47:11 Referans Kwoze

Buzuk ka Abud’a 12:37

Israel-lâ a tchol avo Ramses á i Sukot. Ablawazi ni go ki 600.000 ni suma ndak andjofîna bei ndum kemba ba.

Buzuk ka Abud’a 1:11

Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Ad’u Tinda 47:6

Andaga d’a Ezipte-d’a nabong angû; ang kak abung ki b’oziyongâ ata yima djivi ma kalâ, ar azi kak yam andaga d’a Gosen-nda. Le ang fe suma ned’a adigaziya ni, ang tinizi á pol d’uwar mana mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 14:2

Kur azina hAbuna yima kaka nga ngola. Ladjï na d’uo ni, an dagiya wa. An nga ni i á min yina kagiya.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Ad’u Tinda 46:34

agi dum ala: Ami azungeî mangâ ni suma ngom d’uwarâ ki gugurei tami dei gak ini d’igi abuyomi ngolo hina. Hina wani, mba mi hagi vuna á kagagi yam ambas sa Gosen-nda, kayam suma pol aho’â pet, Ezipte-na a golozi ni is.

Ad’u Tinda 47:27

Israel-lâ a kak yam andaga d’a Ezipte-d’a kur ambas sa Gosen-nda. Andaga ndata mbut ni mazid’a. A vut grona, a zul ablaud’a.

Ndumba 33:3

Kur bur ma dogo yam vahlâ hi til ma avo’â ma bur ma bugol vun til ma pa’îna, Israel-lâ a tchol Ramses, a buzuk kei ir Ezipte-na, a i ki lafiya.

Isai 22:24

Ahle suma subur suma kur azina habuma pet suma djivina ki suma tchona, a mba deng tazi atam d’igi ahle suma gurei suma sun suma tetengâ tin ad’ud’a ata halâ dei gak mba ata duguyona, a gabazi ata pondena akulo na.