Ad’u Tinda 46:3 - Bible azumeina

³ Alona mi dum ala: An ni Alona, Alona habungâ; ang le mandarâ á i Ezipte d’i, kayam an mba ni zulung andjavang ngola sä hî.

Ad’u Tinda 46:3 Referans Kwoze

Gat ta a hat á mbàd’id’a 26:5

Mi tchol mi de zlad’a avok Ma didina Alo magina kua ala: Abun ni ma Aram ma nga kaka ata yima tuna d’uo na, mi i Ezipte ni ki suma akid’eid’a, mi kak sä azina kua. Ata yi máma mi mbut andjaf ma ngol ma sib’ik ma ablauna.

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Sunda hi suma a sunuzinid’a 7:17

Wani ata yima vun ma hle ma Alona mi hlum ki Abraham ma mi ar go á ndakina, Israel-lâ a zul kur Ezipte ngola,

Gat ta a hat á mbàd’id’a 10:22

Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.

Gat ta a hat á mbàd’id’a 1:10

Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na.

Ad’u Tinda 47:27

Israel-lâ a kak yam andaga d’a Ezipte-d’a kur ambas sa Gosen-nda. Andaga ndata mbut ni mazid’a. A vut grona, a zul ablaud’a.

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 18:18

Kayam Abraham mba mi mbut nandjaf ma ngol ma ad’engâ; andjaf suma yam andagad’ina pet, an mba ni b’e vunan kazi ni kamu.

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Jeremi 40:9

Gedaliya Ahikam gorom ma Safan gorom ngolonina mi gunuzi tam ki sum mazina ala: Agi lagi mandarâ á le sunda mi suma Babilon-na d’i, agi kagagi kur ambasa, agi lagi sunda mamul ma Babilon-na. Hina wani, agi mba kagagi ki djivid’a.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Ad’u Tinda 48:19

Wani abum mi noyâ, mi dum ala: An we, gorona, an we. Manase andjavam mba mi zul mi, mba mi mbut ngola mi. Wani wiyem ma gorâ mba mi mbut ngola kalamu, andjavam mba mi zul andjaf suma ablaud’a.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Buzuk ka Abud’a 1:12

A nga kid’eyêzi irazi ngola hina pî wani, a nga zula, a nga i avogovogo. Ezipte-na huruzi nga mi zal kaziya.